මත්ද්‍රව්‍ය ජාවාරම්කරුවන් බොහෝමයක් සිය නිවෙස් අත්හැර ගොස් තිබෙන බව මහජන ආරක්‍ෂක ඇමැති ටිරාන් අලස් මහතා පැවසු බව දිවයින පුවත්පත වාර්තා කර තිබෙනවා.
මත්ද්‍රව්‍යයට එරෙහිව සිදුකරනු ලබන පොලිස් මෙහෙයුම නිසා මත්කුඩු හිඟයක් පවතින බවත් ජාවාරම්කරුවන් රුපියල් දෙදාහක මුදලකට අලෙවි කළ මත්කුඩු පැකට්ටුව රුපියල් අටදාහ දක්වා ඉහළ ගොස් ඇති බවත් ඇමැතිවරයා වැඩිදුරටත් පවසා තිබුණා.
ඉතා සාර්ථක ලෙස මෙම යුක්තියේ මෙහෙයුම ක්‍රියාත්මක වන නිසා ශ්‍රී ලංකාවේ සිව් දෙසින් පොලිස් ස්ථානවලට තොරතුරු ලැබෙමින් පවතින බව ටිරාන් අලස් මහතා සඳහන් කරනවා.
මෙම යුක්තියේ මෙහෙයුමට සෑම පොලිස් ස්ථානයකම නිලධාරීන් සම්බන්ධ කර ගෙන තිබෙන බව ද ටිරාන් අලස් මහතා වැඩිදුරටත් පවසා තිබුණා.
