31 C
Colombo
Monday, March 4, 2024

Whatsapp කපුවා දරුවන් 20කට වඩා අපයෝජනය කරලා

- Advertisement -

දේවාලයක පූජකයෙකු ලෙස පෙනී සිටිමින් දරුවන් ලිංගික අපයෝජන සඳහා යොදාගත් පුද්ගලයා ළමයින් 20 දෙනෙකුට අධික සංඛ්‍යාවක් අපයෝජනය කර ඇති බව ගාල්ල මහෙස්ත්‍රාත් අධිකරණයේදී අද (23) අනාවරණ විය.

සැකකරු ලබන සැප්තැම්බර් 06 වනදා දක්වා යළි රක්ෂිත බන්ධනාගාරගත කිරීමට මහෙස්ත්‍රාත්වරිය නියෝග කළේය.

උණවටුන, මැටරඹ ප්‍රදේශයේ දේවාලයක සුප්‍රසිද්ධ කපුවෙකු පාසල් සිසුන් අපයෝජනය කිරීමේ චෝදනා මත අපරාධ පරීක්ෂණ දෙපාර්තමේන්තුව විසින් අත්අඩංගුවට ගැනුණේ පසුගිය 10 වනදාය.

පසුව සැකකරු ගාල්ල මහෙස්ත්‍රාත් අධිකරණයට ඉදිරිපත් කිරීමෙන් පසුව අද දිනය දක්වා රක්ෂිත බන්ධනාගාරගත කෙරුණි.

නඩු විභාගය පැවති අද, කපුවාට එරෙහිව ගාල්ල මහෙස්ත්‍රාත් අධිකරණය අසලදී ජනතාව සාමකාමී විරෝධාවතාවක් පැවැත්වූයේ සැකකරුට හා ඔහුට ආධාර කළ බව කියන පුද්ගලයින්ට නීතිය ක්‍රියාත්මක කරන්නැයි ඉල්ලමිනි.

ගාල්ල මහෙස්ත්‍රාත් අධිකරණයේ නීතීඥයන් බහුතරයක් අපරාධ පරීක්ෂණ දෙපාර්තමේන්තුව වෙනුවෙන් ස්වාධීනව පෙනී සිටි බවද වාර්තා විය.

අපරාධ පරීක්ෂණ දෙපාර්තමේන්තුව අධිකරණය හමුවේ සඳහන් කළේ මෙම කපුවා වයස අවුරුදු 09ත් 17ත් අතර ළමයින් 20කට අධික සංඛ්‍යාවක් අපයෝජනය කර ඇති බවට සාධක පවතින බවය.

කපුවා විසින් අපයෝජනය කෙරුණු බව පැවසෙන දරුවන්ගෙන් තිදෙනෙකු හැර සෙසු සියලු දරුවන් තම මව්පියන් සමග නක්ෂත්‍ර කටයුතු සඳහා මොහු වෙතට පැමිණි අය බව එම නිලධාරීන් අධිකරණය හමුවේ පවසා තිබේ.

ප්‍රසිද්ධ රූපවාහිනී නාලිකාවල වැඩසටහන්වලට සහභාගීවීම තුළ සැකකරු ලැබූ ප්‍රසිද්ධිය හේතුවෙන් මව්පියන් තම දරුවන් නක්ෂත්‍ර කටයුතු සඳහා ඔහු වෙතට රැගෙනවිත් ඇති බව විමර්ශන නිලධාරීන් සඳහන් කරයි.

සැකකරු අතින් අපයෝජනයට ලක්වූ දරුවන්ට මත්පැන් ලබාදී ඔවුන් කණ්ඩායම් වශයෙන් ලිංගික ක්‍රියාකාරකම්වල යොදවා ඇති බව අපරාධ පරීක්ෂණ දෙපාර්තමේන්තුව අනාවරණ කරගෙන තිබේ.

කපුවා ඒවා රූගතකර විදෙස් වෙබ් අඩවිවලට යොමුකර ඇති බවත් එම දෙපාර්තමේන්තුව අධිකරණයට සඳහන් කළේය.

එමෙන්ම කපුවා විසින් අපයෝජනය කළ බවට පැවසෙන තවත් දරුවන් කිහිපදෙනෙකුගෙන් ප්‍රකාශ ලබාගැනීමට අධිකරණය අද අපරාධ පරීක්ෂණ දෙපාර්තමේන්තුවට අවසර ලබාදුනි.

සැකකාර කපුවා ලබන සැප්තැම්බර් 06 වනදා තෙක් යළි රක්ෂිත බන්ධනාගාරගත කිරීමට ගාල්ල මහෙස්ත්‍රාත් පවිත්‍රා සංජීවනී පතිරණ මහත්මිය නියෝග කළාය.


RECENT ARTICLES - SINHALA

කරාපිටිය රෝහලේ වෛද්‍යවරයෙක් සැකසහිත ලෙස මරුට

කරාපිටිය ශික්ෂණ රෝහලේ එක්ස්රේ අංශයේ සේවය කරනු ලැබූ වෛද්‍යවරයෙක් අභිරහස් ලෙස ඔහුගේ නිවසේ දී මියගොස් සිටිය දී පොලීසිය විසින් සොයාගෙන තිබෙනවා. මෙලෙස මියගොස් ඇත්තේ...

මහ බැංකු ලොක්කෝ අද කැබිනට්ටුවට

0
මහ බැංකු අධිපති ආචාර්ය නන්දලාල් වීරසිංහ මහතා ඇතුළු මහ බැංකුවේ ප්‍රධානීන් අද (04) අමාත්‍ය මණ්ඩල හමුවට කැඳවා තිබෙනවා. ඒ, මහ බැංකු නිලධාරීන්ගේ වැටුප් 70% කින්...

රිය අනතුරකින් විදේශිකයින් තිදෙනෙක් ඇතුළු 5කට තුවාල

දඹුල්ල - හබරන ප්‍රධාන මාර්ගයේ පැල්වෙහෙර ප්‍රදේශයේදී අද (04) උදෑසන බස් රථයක් සහ මෝටර් රථයක් එකිනෙක ගැටීමෙන් මෝටර් රථයේ ගමන් කරමින් සිටි ප්‍රංශ ජාතික...

POPULAR ARTICLES

මාර්තු ඉන්ධන මිල ගණන් මෙන්න

මාර්තු මාසය තුළ පවතින ඉන්ධන මිල ගණන් සංශෝධනයකින් තොරව පවත්වාගෙන යාමට රජය තීරණය කර තිබෙනවා. මාසික ඉන්ධන මිල සංශෝධනයට අනුව ඊයේ (29) මධ්‍යම රාත්‍රීයේ...

විභාග දෙපාර්තමේන්තුවෙන් දැනුම්දීමක්

2024 වර්ෂය තුළ පැවැත්වීමට නියමිත පාසල් විභාග හා ඒවා පැවැත්වෙන දිනයන් විභාග දෙපාර්තමේන්තුව විසින් ප්‍රකාශයට පත්කර තිබෙනවා. ඒ අනුව 2023 වර්ෂයට අදාළව පැවැත්වීමට නියමිතව තිබූ...

අද ඩොලරය

ඇමෙරිකානු ඩොලරයට සාපේක්ෂව රුපියලේ අගය අද තවදුරටත් ශක්තිමත් වී තිබෙනවා. ශ්‍රී ලංකා මහ බැංකුව විසින් අද (01) දින නිකුත් කරන ලද දෛනික විනිමය අනුපාතික සටහනට...