වලස්මුල්ල මූලික රෝහල වෙත යමින් සිටිය දී ගිලන් රථය අද (25) අලුයම් කාලයේ අනතුරට ලක් වීමෙන් සෞඛ්‍ය අංශ සේවකයින් සිව් දෙනෙක් තුවාල ලබා තිබේ.
කොවිඩ් රෝගීන් කිහිප දෙනෙකු ගාල්ල කරාපිටිය ශික්ෂණ රෝහලට රැගෙන ගොස් නැවත වලස්මුල්ල මූලික රෝහල වෙත පැමිණෙමින් සිටිය දී ගිලන් රථය අනතුරට ලක් වී තිබේ.
අද උදෑසන 1.30 ට පමණ හක්මන වලස්මුල්ල මාර්ගයේ දී අනතුර සිදුව තිබිණි.
තුවාලලැබූ සෞඛ්‍ය අංශ සේවකයින් හතර දෙනාගෙන් එක් අයෙකු වලස්මුල්ල මූලික රෝහලට ඇතුළත් කර ඇති අතර එහිදී සිදු කළ PCR පරීක්ෂාවකින් ඔහුට වෛරසය ආසාධනය වී ඇතැයි තහවුරු වී ඇත.
