ලාඕසයේ ආර්ථික තත්ත්වය තවදුරටත් නරක අතට හැරෙමින් පවතින බවත් එරට විදේශ සංචිත හිඟයකට මෙන්ම චීනයට විශාල විදේශ ණය මුදලක් ගෙවිය යුතු වීමත් හේතුවෙන් විශාල අර්බුදයට මුහුණ දී සිටින බවත් වාර්තා වේ.
තායිලන්තයේ ජ්‍යෙෂ්ඨ ආර්ථික විද්‍යාඥයෙක් නිවේදනයක් නිකුත් කරමින් කියා සිටියේ 2000 සිට 2017 දක්වා චීනයෙන් ණය ගැනීම නිසා ලාඕසය චීනයට නිල වශයෙන් ඩොලර් බිලියන 5.57ක් ණය බවයි.
එහි ප්‍රතිඵලයක් ලෙස, ලාඕසයේ සම්පූර්ණ වශයෙන් චීනයට ඇති ණය දළ වශයෙන් ඩොලර් බිලියන 12.2ක් හෙවත් දළ දේශීය නිෂ්පාදිතයෙන් සියයට 64.8ක් බව සදහන් වේ.
මැයි මස මුලදී, ලාඕස රජය වර්තමාන ආර්ථික අර්බුදය විසඳීම සඳහා, අදාළ ආයතන සහ පෞද්ගලික බැංකු සමඟ සාකච්ඡාවක් සඳහා රටවල් තුනක තානාපතිවරුන්ට ආරාධනා කළ බව ලාඕසයේ විශේෂඥයෙකු වන නොරිහිකෝ යමාඩා පැවසීය.
වසර ගණනාවක් පුරා, විශ්ලේෂකයින් අනතුරු අඟවා ඇත්තේ ලාඕසය වැනි දුප්පත් ජාතීන් චීන ණය උගුල්වලට වැටීමේ අවදානමක් ඇති බවයි.
පසුගිය වසරේ, චීන බැංකුව විසින් විදේශ විනිමය සංචිත සඳහා ආධාර කිරීම සඳහා ලාඕසයේ මහ බැංකුව වෙත ඩොලර් මිලියන 300 ක ණය ලබා දුන්නේය.
නමුත් ලාඕසයේ මූල්‍ය ගැටලු වඩාත් උග්‍ර වෙමින් පවතින අතර වසර අවසානයේ ණය සේවා ගෙවීම් නියමිතව ඇත.
