අනුර, සජිත් වැනි පොඩි ළමයි රටක් කරන්නට හැකියාවක් ඇති අය නොවන හෙයින් ඒ සියලු දෙනා ජනපතිගේ ගමන සමග එකතු විය යුතුව ඇතැයි එක්සත් ජාතික පක්ෂ සභාපති පාර්ලිමේන්තු මන්ත්රී වජිර අබේවර්ධන මහතා පවසනවා.
ඔහු මෙම අදහස් පළ කළේ, පිටකෝට්ටේ සිරිකොත එක්සත් ජාතික පක්ෂ මූලස්ථානයේ පැවැති ප්රවෘත්ති සාකච්ඡාවකට එක්වෙමින්.
රටේ පාලනයට දායක වූ කිසිදු දේශපාලන පක්ෂයකට රට ණය උගුලක හිර කිරීමේ චෝදනාවෙන් නිදහස් වන්නට නොහැකි බවත්, අනුර ගත් ණය වර්තමානය වන විට රනිල් වික්රමසිංහ මහතා විසින් ගෙවමින් සිටින බවත් ඔහු සදහන් කළා.
ඔහු වැඩිදුරටත් සදහන් කළේ, ජනතා විමුක්ති පෙරමුණත් රට පාලනය කරන වකවානුවේදී ලබා ගත් ණය වර්තමානය වන විට රනිල් වික්රමසිංහ විසින් ගෙවා දමමින් සිටින බවත්, ඔවුන් තනතුරු දැරූ සමයේ විවිධ රටවලින් ලබා ගත් ණය මෙලෙස ගෙවමින් සිටින බවයි.