පාර හරස් කර නවතා තිබූ ලොරි රථයක් ඉවත් කරවීමට ගත් උත්සාහයක් නිසා බහින් බස් වීමක් දුරදිග යෑමේ හේතුව නිසා අනුරාධපුර අභය වැව විහාරස්ථානයට කඩා වැදුණු ජාතික ජන බලවේගයේ අපේක්ෂකයෙක් වන ලලිත් විතාරණ ඇතුළු පිරිසක් එම විහාරස්ථානයේ සිටි පුද්ගලයෙකුට පහර දී තිබෙන බව වාර්තා වනවා.
මෙලෙස පහර කෑමට ලක් වූ පුද්ගලයා ආරණ්‍ය සේනාසනයක ස්වාමීන් වහන්සේ නමකගේ රියදුරු වශයෙන් සේවය කරන අතර, ඊයේ (22) දින විහාරස්ථානයේ සිටි ස්වාමීන් වහන්සේලා කිහිප නමක් විභාගයකට වඩම්මවා නැවතත් විහාරය වෙත පැමිණෙමින් සිටියදී මාර්ගය හරස් වීම නිසා එම ලොරි රථය මදකට ඉවත්කර ගන්නැයි පැවසූ අවස්ථාවේ බහින් බස් වීමක් ඇති වී තිබෙන බවයි වාර්තා වන්නේ.
අනතුරුව ඔහු වාහනය රැගෙන විහාරස්ථානය වෙත පැමිණ වාහනය නැවතීමට පෙරාතුව පුද්ගලයන් 8 දෙනකු පමණ පැමිණ අවි ආයුධ, මන්න, යකඩ පොලු, පිහි, සවල් ආදී ආයුධ කිහිපයකින් මොහුට සහ එම විහාරස්ථානයේ ලියන මහත්තයා බව කියන අයෙකුට පහර දී තිබෙන බවත් සදහන් වනවා.
අනතුරුව බෙල්ලට පිහියක්ද තබා මරණ තර්ජනය කර ඇති අතර, ඔහු විසින් මේ සම්බන්ධව අනුරාධපුර මූලස්ථාන පොලිසියට පැමිණිල්ලක්ද ඉදිරිපත් කර ඇති බවයි සදහන් වන්නේ.
