නවසීලන්තයේ ඕක්ලන්ඩ් නගරයේ සුපිරි වෙළඳ සංකීර්ණයක සිදු වූ පිහි ඇනීමකින් එම වෙළඳ සංකීර්ණයේ සිටි පුද්ගලයින් 06 දෙනෙකු තුවාල ලබා තිබෙනවා.
එම ප්‍රහාරය සිදුකළ පුද්ගලයා නවසිලන්ත පොලීසිය විසින් වෙඩි තබා ඝාතනය කර ඇති බවයි විදෙස් මාධ්‍ය වාර්තා කරන්නේ.
BBC ලෝක පුවත් සේවය වාර්තා කරන්නේ “ප්‍රචණ්ඩ අන්තවාදියෙක් අහිංසක නවසීලන්ත ජාතිකයින් පිරිසකට ත්‍රස්ත ප්‍රහාරයක් එල්ල කළා” යනුවෙන් නවසිලන්ත අගමැතිනි ජසින්ඩා ආර්ඩන් සඳහන් කළ බවයි.
ප්‍රහාර එල්ලකළ පුද්ගලයා වසර 10ක් පමණ නවසීලන්තයේ වාසය කර ඇති තැනැත්තෙක් වන අතර ඔහු පිළිබඳව නවසීලන්ත ආරක්ෂක බලධාරීන් පසුගිය වසර 5 පුරාවට අවධානයෙන් සිටි බවද වාර්තා වනවා.
