කොරෝනාව දෙවරක්ම පැරදූ 106 හැවිරිදි කතක්

දෙවැනි වරටත් කොරෝනා වයිරසය වැළඳී සුව වූ 106 හැවිරිදි කාන්තාවක් ගැන එංගලන්තයෙන් වාර්තා වේ.
මේරි නිකොල්සන් නමැති මෙම කාන්තාව කොරෝනා වයිරසය දෙවරක් වැළඳී සුව වී ඇති බවත් තම සෞඛ්‍යසම්පන්න බවට හේතුව කිරි, බටර් හා විස්කි යැයි ඇයි පවසන බවත් ඩේලිමේල් වෙබ් අඩවිය සඳහන් කරයි.
පළමු වැනි ලෝක යුද්ධ සමයේ උපත ලබා ඇති මේරි ගෝලීය වසංගත තුනකට මුහුණ දී ඇතැයි ද කියයි.
එංගලන්තයේ ශාන්ත හෙලන් ජනපද වැසි මේරි මෙවර තම 106 වැනි උපන් දිනය සමරා ඇත්තේ කොවිඩ් ආසාදිතව හුදෙකලාවය.
අවිවාහක කතක් වන ඇය තම සෞඛ්‍යසම්පන්නභාවයේ රහස ගැන පවසා ඇත්තේ දෙවැනි වරට ද කොරෝනාවෙන් ජීවිතය බේරාගැනීමෙන් පසුය.