බේබි ෆාම් හිමිකරු ඇප මත නිදහස්

ගැබිනි මව්වරුන් ගිවිසුමකට යටත්කර ගිවිසුම ප්‍රකාරව ඔවුන්ගෙන් බිළිඳු දරුවන් ලබාගෙන එම දරුවන් මුදලට විකිණීමේ ජාවාරමක් පවත්වාගෙන ගිය පුද්ගලයෙකු පෙරේදා (21) රාත්‍රියේ පොලිසිය විසින් අත්අඩංගුවට ගෙන තිබුණා.
අත්අඩංගුවට ගත් සැකකරු අධිකරණයට ඉදිරිපත් කිරීමෙන් අනතුරුව රුපියල් ලක්ෂ දෙකක ශරීර ඇප දෙකක් හා ඇප කොන්දේසිවලට යටත්ව ඔහු මුදාහැරීමට අධිකරණය නියෝග කර තිබෙනවා.
කෙසේ වෙතත් ඔහු එළැඹෙන ජනවාරි 04 වෙනිදා යළිත් මොරටුව අධිකරණයට ඉදිරිපත් කිරීමට නියමිතයි.
බිළිදු දරුවන් විකිණීමේ ජාවාරමක් පවත්වාගෙන යන බවට ලද තොරතුරුකට අනුව පොලිස් ළමා හා කාන්තා කාර්යාංශය විසින් සිදුකරනු ලැබු දීර්ඝ විමර්ශනයකින් අනතුරුව එම ජාවාරම මෙහෙයවු 47 හැවිරිදි මෙම පුද්ගලයා මාතලේ, උකුවෙල ප්‍රදේශයේ දී අත්අඩංගුවට ගෙන තිබුණා.
ඔහු ෆේස් බුක් සමාජ මාධ්‍ය හරහා ප්‍රචාරක කටයුතු සිදුකරමින් CSC Nation Lanka නමින් අදාල ආයතනය පවත්වාගෙන ගොස් තිබෙනවා.