දෛනිකව හමුවන ආසාදිතයන් ප්රමාණය ක්රමයෙන් අඩුවෙමින් යන බවට ආණ්ඩුව ප්රකාශ කළද එය කිසියම් ආකාරයක නොමග යැවීමක් බව වෛද්ය රසායනාගාර විද්යාඥ වෘත්තීයවේදීන්ගේ සංගමය පවසනවා.
මෙම තත්වය ඉදිරියේදී භයානක ප්රතිඵල ගෙනදිය හැකි බවයි එම සංගමයේ සභාපති රවී කුමුදේශ් මහතා පවසන්නේ.
රවී කුමුදේශ් මහතා පවසන්නේ දෛනිකව PCR පරීක්ෂණ 55,000 කට වඩා සිදුකළ යුතු නමුත් දැනට සතියකටම සිදුකරන PCR ප්රමාණ 55,000 දක්වා අඩුකර ඇති බවයි. ඇතැම් රසායනාගාර වල දෛනිකව PCR පරීක්ෂණ 300ක්වත් නොකෙරෙන තත්වයක්ද උදාවී ඇති බව ඒ මහතා පෙන්වා දෙනවා.
පර්යේෂණාගාරවල පීසීආර් පරීක්ෂණ කිරීමට ධාරිතාවක් තිබියදී එය සිදු නොකිරීම හරහා හඳුනා ගන්නා ආසාදිතයන් ප්රමාණය හැකිතරම් සීමා කර ඇති බවත් මේ හරහා ඉතා වැරදි චිත්රයක් ජනතාව ඉදිරියේ පෙන්වන බවත් පවසන ඒ මහතා දිනකට PCR පරීක්ෂණ 7000 ක් සිදු කිරීම මගින් වසංගතය පාලනය කළ නොහැකි බවත්, පසුගිය මාර්තු මාසයේදී සිදුකළ වැරැද්ද යළිත් සිදුවීම හරහා නැවත රටතුළ භයානක තත්වයක් ඇතිවිය හැකි බවත් අවධාරණය කර සිටිනවා.