වතු හාම්පුතුන්ගේ සංගමයේ සාමාජිකයින් නොපැමිණීම හේතුවෙන් වතු කම්කරු වැටුප් වැඩි කිරීම සඳහා පැවැති දෙවැනි සාකච්ඡා වටයද අසාර්ථක වී තිබෙනවා.
පසුගිය 10 වැනිදා වතු වෘත්තීය සමිති හා හාම්පුතුන්ගේ නියෝජිතයින්ගේ සහභාගිත්වයෙන් පළමු වරට සාකච්ඡාවක් සංවිධාන කෙරුණා.
ඒ කම්කරු කොමසාරිස් ජනරාල්වරයාගේ ප්රධානත්වයෙන්.
කෙසේ වෙතත් එම සාකච්ඡාවට වතු හාම්පුතුන්ගේ සංගමයේ සාමාජිකයින් සහභාගි නොවිම නිසා සාකච්ඡාවේදී තීරණයක් ගැනීමට නොහැකි වූ බව කම්කරු දෙපාර්තමේන්තුව ප්රකාශ කර තිබුණා.
දෙවැනි වරට බදාදා (24) සාකච්ඡාවක් කැඳවා තිබුණද ඊටද වතු හාම්පුතුන්ගේ සංගමයේ සාමාජිකයින් සහභාගි නොවීම හේතුවෙන් අතහැර දැමීමටද සිදුවු බවට වාර්තා වනවා.
පවතින තත්ත්වය යටතේ වතු කම්කරු දෛනික වැටුප ඉහළ නැංවීම දිනෙන් දිනම කල් දැමීමට සිදුව තිබෙනවා. ෙ
වතු කම්කරුවන්ගේ දෛනික වැටුප අවසන් වරට 2021 වසරේදී වැඩි කෙරුණු අතර එහිදී දීමනාද ඇතුළුව වතු කම්කරු වැටුප රුපියල් 1000 ක් දක්වා වැඩි කර තිබෙනවා.
මේ වනවිට වතු වෘත්තීය සමිති පවසන්නේ, තම දෛනික වැටුප රුපියල් 1700 ක් දක්වා වැඩි කළ යුතු බවයි.