කොරෝනා නව ප්‍රභේදය ලංකාවට ඒමේ අවධානමක්

එංගලන්තයෙන් වාර්තාවන නව කොවිඩ් 19 ප්‍රභේදය මේවන විට ලෝකයේ රටවල් ගණනාවක වාර්තා වන අතර එයා මෙරටටද ව්‍යාප්ත වීමේ අවධානමක් පවතින බවට රජයේ වෛද්‍ය නිලධාරීන්ගේ සංගමය පවසනවා.
එමෙන්ම මෙරට තිබෙන PCR යන්ත්‍ර මගින් මෙම නව කොවිඩ් ප්‍රභේදය හදුනාගැනීමේ අපහසුවක් පවතින බැවින් එය වඩාත් අවධානම් තත්ත්වයක පවතින බවයි එම සංගමය සදහන් කරන්නේ.
එබැවින් පවත්නා තත්ත්වය තුළ නව කොවිඩ් 19 වෛරස ප්‍රභේදය මෙරටට පැමිණ ඇතිද හෝ නැතිද යන්න පවා ප්‍රකාශ කිරීමට අසීරු තත්ත්වයක් පවතින බව රජයේ වෛද්‍ය නිලධාරීන්ගේ සංගමයේ සංස්කාරක වෛද්‍ය හරිත අලුත්ගේ මහතා පවසනවා.
නව ප්‍රභේදයේ පවතින සංකීර්ණම තත්ත්වය නම් එය සීඝ්‍රයෙන් ව්‍යාප්තවීමේ හැකියාව බැවින් මේ හරහා නව කොවිඩ් රැල්ලක් ඇතිවීමේ අවධානමක්ද පවතින බව ඔහු සදහන් කළා.
ඊට අදාල දර්ශනන පහතින්,