චීනයේ ෂින්ජියන්ග් හි මානව හිමිකම් උල්ලංඝනය කිරීම් පිළිබඳ විවේචනවලට එරෙහිව සහ ඒවා යටපත් කිරීමට චීනය දරන උත්සාහයක් පිලිබදව අලුත්ම වාර්තාවක් මගින් කරුණු හෙළිකර තිබේ.
ෂින්ජියන්ග්හි ගැටලුකාරී මායිම් ප්‍රදේශවල සිටින චීනය පදනම් කරගත් කාන්තා ජනවාර්ගික-සුළුතර බලපෑම් කරන්නන් එම දේශසීමා කලාප පිළිබඳ ව්‍යාජ තොරතුරු සහ විනිවිදභාවය පිළිබඳ ව්‍යාජ හැගීම් ප්‍රකාශ කිරීම සඳහා නවීන අන්තර්ගතයන් භාවිතා කරන බව එහි දැක්වේ.
ඔස්ට්‍රේලියානු උපායමාර්ගික ප්‍රතිපත්ති ආයතනය වාර්තා කළේ, සින්ජියැන්ග්, ටිබෙට් සහ අභ්‍යන්තර මොංගෝලියාවේ ගැටලුකාරී මායිම් ප්‍රදේශවලින් මෙම බලපෑම් කරන්නන්ගේ යූ ටියුබ් (YouTube) ගිණුම් පිළිබඳ විමර්ශනයකදී මෙය අනාවරණය වී ඇති බවයි.
මොවුන් මානව හිමිකම් උල්ලංඝනය කිරීම් පිළිබඳ වාර්තා යටපත් කිරීමට කටයුතු කරන බව පැවසේ.
ඔවුන් වැඩි වැඩියෙන් චීනයට පක්ෂ ප්‍රචාරණ සහ වැරදි තොරතුරු කෙරෙහි අවධානය යොමු කරන බව ද සදහන් වේ.
මෙම සියලුම වීඩියෝ පළමුව චීනයේ දේශීය සමාජ මාධ්‍යන් වෙත නිකුත් කර අභ්‍යන්තර ප්‍රචාරණයෙන් පසුව,එම අන්තර්ගතයන් YouTube හරහා ගෝලීය ප්‍රේක්ෂකයින් වෙත නිකුත් කරනු ලබන බව පැවසේ.
චීනයේ මානව හිමිකම් ගැටළු පිළිබඳ විවේචනවලට එරෙහිව සහ රටේ ප්‍රතිරූපය විනාශ කිරීමට එරෙහිව චීන කොමියුනිස්ට් පක්ෂය ගන්නා උත්සාහයේ කොටසක් ලෙස මෙය සැලකේ.
චීනයේ යූ ටියුබ් අවහිර කර ඇතත් කොමියුනිස්ට් පක්ෂය තවමත් බාහිර ලෝකය සමඟ තරඟ කිරීමට එම මාධ්‍ය භාවිතා කරයි. ඔවුන්ගේ ප්‍රචාරක ප්‍රයත්නයන් සඳහා යූ ටියුබ් භාවිතය මෑත වසරවලදී තීව්‍ර වී ඇති බව සැලකිය යුතු කරුණක් බව අදාළ වාර්තාව මගින් පෙන්වා දී ඇත.
