ප්රවෘත්ති කාමරවල සිදුවන ලිංගික හිරිහැර පිළිබඳ කිසිදු පරීක්ෂණයක් සිදු නොකරන බව ජනමාධ්ය අමාත්ය කෙහෙලිය රඹුක්වැල්ල මහතා පවසනවා.
අමාත්යවරයා සදහන් කරන්නේ විධිමත් පැමිණිල්ලක් නොමැතිව පරීක්ෂණයක් ආරම්භ කිරීම දුෂ්කර බවයි.
පසුගිය සති දෙක තුළ මාධ්යවේදීන් කිහිප දෙනෙකු සමාජ මාධ්ය භාවිතා කරමින් ප්රසිද්ධියේ ජනමාධ්ය ආයතන තුළ තම අප්රසන්න අත්දැකීම් හෙළි කළා.
එය පසුගිය සතියේ කැබිනට් තීරණ දැනුම්දීමේ ප්රවෘත්ති සාකච්ඡාවේදී අමාත්යවරයාගේ අවධානයට යොමු කළ විට ඔහු ඒ පිළිබඳව සොයා බලන ලෙස රජයේ තොරතුරු අධ්යක්ෂ ජනරාල්වරයාගෙන් ඉල්ලා සිටියා.
කෙසේ වෙතත්, විධිමත් පැමිණිල්ලක් නොමැතිව මේ සම්බන්ධයෙන් විමර්ශනය කිරීම මාධ්යයට බාධා කිරීමක් ලෙස දැකිය හැකි බව කෙහෙළිය රඹුක්වැල්ල මහතා අද (29) පැවති කැබිනට් තීරණ දැනුම්දීමේ ප්රවෘත්ති සාකච්ඡාවේදී පවසා සිටියා.
කෙසේ වෙතත් ප්රවෘත්ති කාමර තුළ ජනමාධ්යවේදිනියන්ට සිදුවන මෙම සිදුවීම් පිළිබදව සොයාබලන්නැයි ඉල්ලා තරුණ ජනමාධ්යවේදීන්ගේ සංගමයද ජනමාධ්ය ඇමතිවරයාට ලිපියක් යොමුකර තිබුණා.
ප්රවෘත්ති කාමර තුළ සිදුවන මෙම සිදුවීම්වලට විරෝධය පා පසුගිය සතියේ එක් මාධ්යවේදිනියක් සිය රැකියාවෙන් ඉල්ලා අස්වුණා.