හෙටින් ආරම්භ වන සති අන්තයේ විදුලි කප්පාදුවක් සිදු නොවන බව මහජන උපයෝගීතා කොමිසම පවසනවා.
එහි සභාපති ජනක රත්නායක සඳහන් කළේ මේ අනුව හෙට (සෙනසුරාදා 06) සහ අනිද්දා (ඉරිදා 07) දිනවල කිසිදු විදුලි විසන්ධි කිරීමක් සිදු නොකරන බවයි.
මේ අතර අද දිනයේ විදුලි කප්පාදුව සිදුවන්නේ රාත්‍රී කාලයේ පැයක කාලයක් සඳහා පමණක් බවයි ඊයේ මහජන උපයෝගීතා කොමිසම කියාසිටියේ.
ඒ අනුව අද A,B,C,D,E,F,G,H,I,J,K,L,P,Q,R,S,T,U,V,W යන කලාපවලට රාත්‍රී කාලයේ පැයක විදුලි කප්පාදුවක් සිදුවනු ඇති.
මේ අතර සති කිහිපයකට පසු (02) දිනයේ ජල විදුලි උත්පාදනයේ ඉහළ යාමක් සිදුවී ඇතැයි බලශක්ති අමාත්‍ය කංචන විජේසේකර සඳහන් කළා.
පසුගිය කාල සීමාවේ ජල විදුලිය නිෂ්පාදනය කෙරුණේ 40%ක පමණ ප්‍රමාණයක්.
පෙරේදා දිනයේ ලංකා විදුලිබල මණ්ඩලයට අයත් බලාගාරවලින් 57.17%ක ජල විදුලි ප්‍රමාණයක් නිපදවා තිබෙනවා.
මේ අතර මහජය උපයෝගීතා කොමිසමේ සභාපති ජනක රත්නායක සඳහන් කළේ විදුලි බලාගාර ආශ්‍රිත ජලාශවලට සැලකිව යුතු වර්ෂාපතනයක් ලැබීම හේතුවෙන් ඉදිරියේ දී විදුලි කප්පාදු කාලසීමාව අවම කිරීමට හැකියාව ඇති බවයි.
