උතුරු කොරියානු පුරවැසියකු, නායක කිම් ජොන් උන් හදිසියේ බර අඩු කර ගැනීම පිළිබඳ කනස්සල්ල පළ කරන පෙර නොවූ විරූ රූපවාහිනී වීඩියෝ පටයක් ජ්‍යාත්‍යන්තර විශ්ලේෂකයන් සහ මාධ්‍යවල අවධානය හිමි කරගෙන තිබේ.
උතුරු කොරියානු නායකයාගේ සෞඛ්‍යය තත්ත්වයට අදාළ තත්ත්වයන් එරට රාජ්‍ය මාධ්‍ය තුළ පෙන්වීම සිදු කරන්නේ ඉතාම කලාතුරකිනි. ඔහුගේ ප්‍රතිරූපයට අදාළ දේ මාධ්‍ය තුළ දැඩිව පාලනය කරනු ලබයි.
එවැනි තත්ත්වයකදී රාජ්‍ය මාධ්‍ය තුළින් නායකයාගේ සිරුරේ බර විශාල වශයෙන් අඩුවීම විශේෂ කොට පෙන්වනු ලබන්නේ කිසියම් අරමුණක් සඳහා බව විශ්ලේෂකයන් පෙන්වා දෙයි.
රටේ ප්‍රධාන රූපවාහිනී නාලිකාව ද කිම් ජොන් උන්ගේ සිහින් සිරුර කැපී පෙනෙන පරිදි ඔහු පෙන්වීමට මෑතක දී කටයුතු කර තිබිණි.
ඉන්පසු නම සඳහන් නොකළ පුරවැසියකු කිම් ජොන් උන් සිහින් වීම පිළිබඳ කණගාටුවන දර්ශන රාජ්‍ය රූපවාහිනියේ විකාශය විය.
“ඔහු එලෙස දුටුවිට අපි විස්මයට පත්වුණා.හැමෝම අඬන්න පටන් ගත්තා,”යැයි පුරවැසියා ප්‍රකාශ කළේය.
මේ සම්බන්ධයෙන් අදහස් දක්වන විශ්ලේෂකයින් පවසන්නේ කිම් තමන් වටා කිසිවිටක සෘණාත්මක ප්‍රවෘත්ති ප්‍රකාශයට පත් නොකරන බැවින් තමන් තනිවම බර අඩු කරගන්නා බව පෙන්වීමට කිම් ට අවශ්‍ය වී ඇති බවයි.
ඔහු ජනතාව වෙනුවෙන් කැපවී සිටින බව පෙන්වීම සඳහා කරන ප්‍රචාරණ වැඩපිළිවෙළක කොටසක් ලෙස ඔවුන් මෙය පෙන්වා දුන්නේය.
උතුරු කොරියානු නායකයාගේ සෞඛ්‍ය තත්වය පිළිබඳව දිගින් දිගටම කටකතා පැවතුනද, ඒවා රටේ කුප්‍රකට රහසිගත රජය විසින් පිළිගනු ලැබුවේ කලාතුරකිනි.
එමෙන්ම මෑතක දී නායකයා රටේ ආහාර හිඟයක් පවතින බව ප්‍රසිද්ධියේ ප්‍රකාශ කිරීමට ද කටයුතු කර තිබිණි.
