යාපනය පොලිස් වසමේ අර්සඩි ප්‍රදේශයේ නිවසක සාදයක් පැවැත්වූ 05 දෙනෙකු පොලිස් අත්අඩංගුවට ගත් බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා සඳහන් කරනවා.
පොලිස් මාධ්‍ය ප්‍රකාශකවරයා සඳහන් කරන්නේ අත්අඩංගුවට පත්වන අවස්ථාවේදීත් අදාළ පුද්ගලයින් බීමතින් සිටි බවයි.
අත්අඩංගුවට ගත් පිරිස යාපනය මහේස්ත්‍රාත් අධිකරණයට ඉදිරිපත් කිරීමෙන් අනතුරුව ජුනි මස 07 වනදා දක්වා රක්ෂිත බන්ධනාගාර ගත කිරීමට නියෝග කර තිබෙනවා.
මෙම පුද්ගලයින්ගේ පවුල්වල සාමාජිකයින් සියලුදෙනාද නිරෝධායනයට යොමුකරන ලෙසට අධිකරණය විසින් සෞඛ්‍ය බලධාරීන් ට නියෝග කෙරුණා.
මේ අතර කොළඹ ශ්‍රැන්ග්‍රිලා හෝටලයේ උපන්දින සාදයක් පැවැත්වූ බවට වන චෝදනාවට රූපලාවන්‍ය ශිල්පී චන්දිමාල් ජයසිංහ සහ මෝස්තර නිරූපණ ශිල්පිනී පියුමි හංසමාලි යන දෙදෙනා කොටුව පොලිසිය විසින් අත්අඩංගුවට ගෙන ඊයේ (31) අධිකරණයට ඉදිරිපත් කරනු ලැබූවා.
පැය කිහිපයක් තුළ ඔවුන් ඇප ලබා පිටව ගිය අතර ඔවුන් හෝ සාදයට සහභාගී වූ අනෙක් නිසිවෙකුත් නිරෝධායනයට යොමුකිරීමට කටයුතු කර තිබුණේ නැහැ.
