කොළඹ වරායේ 06 වන ගේට්ටුව ආසන්නයේ දී සිදුකළ වෙඩි තැබීමකින් කාන්තාවන් 04 දෙනෙක් ඇතුළු 09 දෙනෙකු මේ වන විට කොළඹ ජාතික රෝහලට ඇතුළත් කර තිබෙනවා.
වෙරළබඩ පොලීසිය කියා සිටියේ කොළඹ වරාය හරහා ඉදිවන අධිවේගී මාර්ගයේ භාණ්ඩ ගබඩාවකින් යකඩ සොරකම් කිරීමට පැමිණි පුද්ගලයින් දෙදෙනෙකුගෙන් ප්‍රශ්ණ කිරීමට ගිය අවස්ථාවේදී පදිංචිකරුවන් එම සිද්ධියට මැදිහත් වීමෙන් උණුසුම් තත්තවයක් ඇති වූ තිබූ බවයි.
එහිදී වැඩ බිමක සේවයේ නිරත පෞද්ගලික ආරක්ෂා නිලධාරියෙකු විසින් මෙම වෙඩි තැබීම සිදු කර තිබෙනවා.
මෙම වෙඩි තැබීමෙන් තුවාල ලබා ඇත්තේ බ්ලුමැන්ඩල් වත්ත ප්‍රදේශයේ පදිංචි පිරිසකි.
ඒ අතර කාන්තාවන් සිව් දෙනෙක් ද සිටින බවද වාර්තා වනවා.
මෙහිදී පෞද්ගලික ආරක්ෂක අංශ සතුව තිබූ ගිනි අවියක් උදුරා ගැනීමට යාමත් සමඟ වෙනත් නිලධාරියෙක් විසින් මෙම වෙඩි තැබීම සිදුකර තිබුණා.
කෙසේ වෙතත් වෙඩි වැදුණු එක් පුද්ගලයෙකුගේ තත්ත්වය අසාධ්‍ය බවයි ආරක්ෂක අංශ කියා සිටියේ.
