හිටපු ජනාධිපති මෛත්රීපාල සිරිසේන ඇතුලු පිරිසකට දිවුරුම් ප්රකාශයක් මාර්ගයෙන් තම වත්කම් බැරකම් අධිකරණයට ඉදිරිපත් කළ යුතු බවට ශ්රේෂ්ඨාධිකරණය අද (02) නියෝග කර තිබෙනවා.
ඒ අනුව, පාස්කු ඉරුදින ත්රස්ත ප්රහාර සිද්ධියට අදාළව ගොනුකෙරුණු මූලික අයිතිවාසිකම් පෙත්සම්වලට අදාළ වන්දි සම්පූර්ණයෙන්ම ගෙවීමට අපොහොසත් වීම හේතුවෙන් හිටපු ජනාධිපති මෛත්රීපාල සිරිසේන, හිටපු ආරක්ෂක ලේකම් හේමසිරි ප්රනාන්දු, හිටපු පොලිස්පති පූජිත් ජයසුන්දර සහ රාජ්ය බුද්ධි සේවයේ හිටපු ප්රධානී නිලන්ත ජයවර්ධන යන අය විසින් එම දිවුරුම් ප්රකාශ දෙසැම්බර් මස 30 වනදාට පෙර ඉදිරිපත් කළ යුතු බව අදාළ නියෝගයේ සඳහන්.
පාස්කු ප්රහාරයට අදාළව ගොනුකෙරුණු මූලික අයිතිවාසිකම් පෙත්සම් 13ක් අද කැඳවූ අවස්ථාවේ දී එම නියෝග නිකුත් කර තිබෙනවා.