ස්පාඤ්ඤයේ බාර්සිලෝනා නගරයේ ජ්යෙෂ්ඨ පාකිස්තාන රාජ්ය තාන්ත්රිකයෙකු වන කොන්සල් ජනරාල්වරයෙකු ලිංගික අතවර චෝදනා මත සේවයෙන් පහ කර ඇති බව වාර්තා වේ.
පාකිස්තානයේ ද නේෂන් පුවත්පත වාර්තා කළේ කොන්සල් කාර්යාලයේ ප්රාදේශීය කාර්ය මණ්ඩල සමාජිකාවක් මේ මස මුලදී රාජ්ය තාන්ත්රික මිර්සා සල්මාන් බේග්ට එරෙහිව පැමිණිල්ලක් කර ඇති බවයි.
කාර්ය මණ්ඩල සාමාජිකයාව විසින් මැඩ්රිඩ් හි පාකිස්තාන තානාපති ෂුජාත් රතෝර් වෙත පැමිණිල්ලක් ඉදිරිපත් කළ අතර, පසුව ඔහු වැඩිදුර විමර්ශන සඳහා ඉස්ලාමාබාද්හි විදේශ කාර්යාලයට යොමු කර තිබේ.
විදේශ අමාත්යාංශය විසින් මෙම පැමිණිල්ල විමර්ශනය කිරීම සඳහා දෙදෙනෙකුගෙන් යුත් කණ්ඩායමක් බාර්සිලෝනා සහ මැඩ්රිඩ් වෙත යවා ඇති බව පැවසේ.
ඒ අනුව විමර්ශනයට අදාලව එහි පදනම මත විදේශ කාර්යාලය එම නිලධාරියා ඔහුගේ තනතුරෙන් ඉවත් කර ඉස්ලාමාබාද්හි මූලස්ථානයට නැවත කැඳවා තිබේ.
පැමිණිලිකාරිය සිය පැමිණිල්ලේ සඳහන් කර ඇත්තේ ජනරාල්වරයා සමාජ මාධ්ය හරහා තමාට පණිවිඩ යැවීමට පුරුදු වූ බවත්, එය හිරිහැරයක් දක්වා වර්ධනය වූ බවත්ය.