පාර්ලිමේන්තු මන්ත්‍රී පාඨලී චම්පික රණවක මහතාට පනවා තිබූ විදේශ ගමන් තහනම ඉවත් කිරීමට කොළඹ මහාධිකරණය විසින් අද(12) නියෝග කළා.
කොළඹ මහාධිකරණ විනිසුරු දමිත් තොටවත්ත මහතා විසින් එම නියෝගය නිකුත් කර තිබෙනවා.
2016 වසරේ රාජගිරිය ප්‍රදේශයේ සිදු වූ රිය අනතුර වළක්වා ගැනීමට කටයුතු නොකිරීම, තරුණයෙකු බරපතළ අනතුරට ලක්කිරීම , සාක්ෂි සැගවීම යන චෝදනා යටතේ මන්ත්‍රීවරයාට මෙම විදේශ ගමන් තහනම පනවා තිබුණා.
පාර්ලිමේන්තු මන්ත්‍රීවරයා වෙනුවෙන් පෙනී සිටි නීතිඥවරයා අධිකරණයට දන්වා සිටියේ තම සේවාදායකයාට සිය දියණිය දැක බලා ගැනීමට කැනඩාවට යෑමට අවශ්‍යය බවයි.
ඒ අනුව සියලු ඉල්ලීම් සලකා බලා මැයි 13 සිට සැප්තැම්බර් 23 දක්වා පනවා තිබූ විදේශ ගමන් තහනම ඉවත් කරන ලෙස මහාධිකරණ ව්නිසුරු ආගමන ගා විගමන පාලකවරයාට නියෝග කළ බවයි වැඩිදුරටත් වාර්තා වන්නේ
