මෙම වසරේ ලංකා ප්‍රිමියර් ලීග් තරගාවලිය නැරඹීමට ප්‍රේක්ෂකයින්ට අවසර ලබාදීම කෙරෙහි ශ්‍රී ලංකා ක්‍රිකට් ආයතනයේ අවධානය යොමුව ඇති බව වාර්තාවනවා.
ඒ අනුව තරග නැරඹීම සඳහා 25%ක ප්‍රේක්ෂක පිරිසකට අවසරදීම කෙරෙහි මේ වන විට අවධානය යොමුව තිබෙනවා.
එසේ ප්‍රේක්ෂකයින් හට අවස්ථාව ලබාදීමක් සිදුවුවහොත් පූර්ණ එන්නත්කරණයකට ලක්වී සිටින ප්‍රේක්ෂකයින්ට පමණක් එම අවස්ථාව හිමිවනු ඇති.
කෙසේ වෙතත් මෙතෙක් ඒ සම්බන්ධව ක්‍රිකට් ආයතනය අවසන් තීන්දුවක් ගෙන නොමැති බව අප කළ විමසීමකදි එහි ප්‍රකාශකයෙකු සඳහන් කළා.
මෙම වසරේ ලංකා ප්‍රිමියර් ලීග් තරගාවලිය දෙසැම්බර් මස 04 වනදා සිට 23 වනදා දක්වා පැවැත්වීමට මේ වන විට දින යොදා තිබෙනවා.
