ගම්පහ ප්රදේශයේ ප්රසිද්ධ ව්යාපාරිකයකු මෙන්ම වැවිලිකරුවකු වන “ඔස්මන්” නැමැත්තා ඝාතනය කිරීම සඳහා සූදානම්ව සිටි සැකකරුවන් දෙදෙනෙකු අද (23) අත්අඩංගුවට ගත් බව පොලිසිය පවසනවා.
පොලීසිය පවසන්නේ මෙම සැකකරුවන් විසින් අවුරුදු උත්සවයකදී ඔස්මන් නැමැත්තා වෙඩි තබා ඝාතනය කිරීම සඳහා සැලසුම් කර තිබූ බවයි.
ඒ අනුව, ඔවුන් සතුව තිබූ ටී 56 ගිනි අවිය හා රිවෝල්වරයක් සමඟ පෑලියගොඩ අපරාධ කොට්ඨාශය මගින් අදාළ සැකකරුවන් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ වේවැල්දෙනිය ප්රදේශයේ පදිංචි (50) හැවිරිදි පුද්ගලයෙක් සහ මිනුවන්ගොඩ ප්රදේශයේ පදිංචි (30) හැවිරිදි තරුණයෙක්.
පොලිසිය පවසන්නේ දැනට ඩුබායිහි සැඟව සිටින කෙහෙල්බද්දර පත්මේ සහ ඔහුගේ ගෝලයකු වන අවිශ්ක නැමැත්තන් විසින් මෙම ඝාතන සැලසුම සංවිධානය කර ඇති බවයි.
මෙම ඝාතනය සැලසුම සඳහා යොදා ගෙන තිබූ සුඛෝපභෝගී රථයක් ගම්පහ නගරයේ පුද්ගලික රෝහලක රථ ගාලක නවතා තිබියදී පොලිසිය විසින් අත්අඩංගුවට ගෙන තිබෙනවා.
කෙහෙල්බද්දර පද්මේ ට ගම්පහ නගරයේ බලය ඇල්ලීම සඳහා බාධාවක් වී ඇති ඔස්මන් නමැත්තා ඝාතන කිරිමෙ සැලැස්මක් ක්රියාත්මක වන බවට පෑලියගොඩ අපරාධ කොට්ඨාශයට ලද තොරතුරුකට අනුව මෙම තොරතුරු හෙළි කර ගෙන ඇති බව පොලිසිය තවදුරටත් සඳහන් කර තිබෙනවා.