පාකිස්තානයේ හිටපු අගමැති ඉම්රාන් ඛාන්ට වසිරාබාද්හි එල්ල වූ වෙඩි තැබීමෙන් පැය කිහිපයකට පසු, කයිබර්පක්තුන්ක්වා හි පෙෂාවර් හි හමුදා ප්රධානියාගේ නිල නිවස ඉදිරිපිට ජනතාව විරෝධතා පැවැත්වූ බව පාකිස්තාන ටෙහ්රීක්-ඊ-ඉන්සාෆ් (පීටීඅයි) නිකුත් කල වීඩියෝවක දැක්වේ.
මේ අතර පාකිස්තාන අගමැති ෂෙහ්බාස් ෂරීෆ් ප්රකාශ කළේ පාකිස්තාන ටෙහ්රීක්-ඊ-ඉන්සාෆ් සභාපති ඉම්රාන් ඛාන් විසින් ඉදිරිපත් කල හමුදා ප්රධානියා පත් කිරීම පිළිබඳ යෝජනාව ප්රතික්ෂේප කළ බවත් ඒ වෙනුවට ප්රජාතන්ත්රවාදයේ ප්රඥප්තිය සහ ආර්ථික ප්රඥප්තිය පිළිබඳව සාකච්ඡා කිරීමට එකග වූ බවත් ය.
ෂරීෆ් පැවසුවේ ඉම්රාන් ඛාන් තමාට ගැටළු දෙකක් ඉදිරිපත් කල බවත් එහි පළමු කාරණය හමුදා ප්රධානියා පත් කිරීම සහ දෙවැන්න කලින් මැතිවරණ පැවැත්වීම බවයි.
ඔහු පැවසුවේ නම් තුනක් ලබා දෙන ලෙස ඉම්රාන් යෝජනා කර ඇති අතර ඔහුද හමුදා ප්රධානියා තනතුර සඳහා නම් තුනක් ලබා දෙන බවයි.
පසුව එම නම් හය දෙනාගෙන් නව ප්රධානියා පත් කිරීම පිළිබඳව තීරණය කරන බව පාකිස්තාන අගමැති උපුටා දක්වමින් එක්ස්ප්රස් ට්රිබියුන් වාර්තා කර ඇත.
ලැයිස්තු දෙකේම පොදු නමක් තිබේ නම් තමන් ඊට එකඟ වෙන බව ෂරීෆ් එහිදී පැවසු බව මාධ්ය වාර්තා කර ඇත.
කෙසේවෙතත්, තමන් ඉම්රාන් ඛාන්ගේ යෝජනාව තරයේ ප්රතික්ෂේප කළ බවත් ඒ වෙනුවට ප්රජාතන්ත්රවාදයේ ප්රඥප්තිය සහ ආර්ථික ප්රඥප්තිය ගැන සාකච්ඡා කිරීමට ඉම්රාන් ඛාන්ට අවස්ථාව දුන් බවත් ඔහු පවසා තිබේ.