පාස්කු ඉරු දින එල්ල වූ බෝම්බ ප්රහාරයට, දේශීය දේශපාලන බලවේග සම්බන්ධ බවට ශ්රී ලංකාවේ ජනගහනයෙන් අඩකට ත් වඩා වැඩි ප්රතිශතයක්, එනම් 53%ක් විශ්වාස කරන බව වෙරිටේ රිසර්ච් ආයතනය පවසනවා.
ඒ පසුගිය ඔක්තෝබර් මාසයේදී සිදු කරන ලද සින්ඩිකේඩ් සර්වේස් සමීක්ෂණයකින් මේ බව අනාවරණය වූ බව සඳහන්.
වෙරිටේ රිසර්ච් සහ ජනමත විමසුමට දත්ත එකතු කිරීමට සහය ලබාදෙන වෑන්ගාර්ඩ් සර්වේ (පෞද්ගලික) ආයතනය එක්ව සම්පාදනය කර ඇති Syndicated surveys නම් සමීක්ෂණ මෙවලම යටතේ මෙම සමීක්ෂණය සිදුකර තිබෙනවා.
අදාළ සමීක්ෂණයට සහභාගී වූ පුද්ගලයන් වෙත පාස්කු ප්රහාරය පිටුපස සිටින්නේ කවුරුන් ද යන්න පිළිබඳව රටේ ප්රචලිත මත තුනක් ඉදිරිපත් කර ඇති අතර ඒවා අතරින් වඩාත් ම එකඟ වන මතය තෝරා ගැනීමට අවස්ථාව ලබා දී තිබුණා.
එම මතයන් මෙසේ,
පළමු මතය ‘පාස්කු ප්රහාරය සිදු කරනු ලැබුවේ, අන්තරායකර විදේශ බලවේග සමග කටයුතු කළ ශ්රී ලාංකීය අන්තවාදීන් විසිනි’ යන්න.
‘එය දේශීය දේශපාලන බලවේග සමග කටයුතු කළ ශ්රී ලාංකීය අන්තවාදීන් විසින් සිදු කරන ලද්දක්’ බව දෙවන මතය වු අතර තුන් වන මතය වූයේ, ‘දේශීය දේශපාලන බලවේග සහ අන්තරායකර විදේශ බලවේග යන දෙක ම සමග කටයුතු කරන ලද ලාංකීය අන්තවාදීන් විසින් එය සිදු කර ලැබ ඇති’ බවයි.
සමීක්ෂණයේ ප්රතිඵල අනුව 53%ක් දේශීය දේශපාලන බලවේග මෙයට සම්බන්ධ බවට තම මතයන් ඉදිරිපත් කර ඇති අතර 30%ක් දෙවන පිළිතුර තෝරා ගෙන ඇති අතර 23%ක් තුන් වන පිළිතුර තෝරා ගත් බව වෙරිටේ රිසර්ච් ආයතනය සඳහන් කරනවා.
ඔවුන් තවදුරට ත් සඳහන් කර ඇත්තේ, එය දේශීය දේශපාලන බලවේගවල මැදිහත්වීමකින් තොරව සිදු කරන ලද්දක් බව විශ්වාස කර ඇත්තේ, 8%ක් වන බව ත් 39%ක් වූ ඉහළ ප්රතිශතයක් සඳහන් කර තිබෙන්නේ තමන්ට මේ පිළිබඳව කිසිදු මතයක් නොමැති බව හෝ අදහස් දැක්වීම ප්රතික්ෂේප කරන බවයි.