යුද්ධයෙන් අවතැන් වූ මිලියන 1.5 ක ජනතාවක් නවාතැන් ගෙන සිටින රෆා නගරය ඇමෙරිකාවේ සහාය නොමැතිව හෝ ආක්රමණය කරන බව ඊශ්රායල අග්රාමාත්ය බෙන්ජමින් නෙදන්යාහු පසුගියදා පැවති හමුවකදී ඇමෙරිකානු රාජ්ය ලේකම් ඇන්තනී බ්ලින්කන්ට දැනුම් දී තිබෙන බව විදෙස් මාධ්ය වාර්තා කරනවා.
එහිදී ඊශ්රායල අග්රාමාත්ය බෙන්ජමින් නෙදන්යාහු හමාස් සංවිධානය පරාජය කිරීමට ඒ හැර වෙන ක්රමයක් නොමැති බව අග්රාමාත්යවරයා බ්ලින්කන් ඇතුළු ඇමෙරිකානු රාජතාන්ත්රිකයන්ට දැනුම් දී තිබෙන බවයි සඳහන් වන්නේ.
රෆා නගරයේ හමුදා මෙහෙයුමක් ක්රියාත්මක කිරීමෙන් හමාස් සංවිධානය පරාජ කිරීමට නොහැකි බවත් ඉන් ඊශ්රායලය ලෝකයෙන් තවත් කොන්වනු ඇති බවත් ඇමෙරිකානු රාජ්ය ලේකම්වරයා එම අවස්ථාවේදී ප්රකාශ කර තිබෙන බවට විදෙස් මාධ්ය සඳහන් කරනවා.
ඇමෙරිකානු රාජ්ය ලේකම් ඇන්තනී බ්ලිනක්න් ඇතුළු රාජ්ය තාන්ත්රිකයන් පිරිසක් පසුගියදා ඊශ්රායලයේ සංචාරයක නිරත වූ අතර එම අවස්ථාවේදී අග්රාමාත්ය බෙන්ජමින් නෙදන්යාහු සහ රාජ්ය ලේකම් ඇන්තනී බ්ලින්කන් අතර මෙම හමුව සිදුව තිබෙනවා.