දූෂිතයන්ගේ ඡන්දයෙන් බලයට පත් වුණු රනිල් වික්‍රමසිංහ මහතාට දූෂිතයින්ට එරෙහිව කටයුතු කළ නොහැකි බව හිටපු පාර්ලිමේන්තු මන්ත්‍රී රන්ජන් රාමනායක මහතා පවසනවා.
අපරාධ පරීක්ෂණ දෙපාර්තුමේන්තුවට පැමිණිල්ලක් ඉදිරිපත් කිරීමට පැමිණි අවස්ථාවේදී මාධ්‍ය වෙත අදහස් දක්වමින් රන්ජන් රාමනායක මහතා අද (02) මේ බව ප්‍රකාශ කළා.
ක්‍රිකට් ප්‍රශ්නයේදීත් ජනාධිපතිවරයා ජනතාවගේ පැත්ත නොගෙන දූෂිතයන් වෙනුවෙන් පෙනී සිටි බව රන්ජන් රාමනායක මහතා මෙහිදී සඳහන් කළා.
එහිදී වැඩිදුරටත් අදහස් දැක්වූ රන්ජන් රාමනායක මහතා,
“අජිත් නිවාඩ් කබ්රාල්, බැසිල් රාජපක්ෂ, ගෝඨාභය රාජපක්ෂ, මහින්ද රාජපක්ෂ, මම කිව්වා ඔවුන් ඔක්කොම හොරු කියලා,උන් ඔක්කොම හොරු කිව්ව මනුස්සයව හිරේ දැම්මා…මට ප්‍රජා අයිතිය නැහැ අද. ජනතාව සමහර වෙලාවට කියනවා මම හොරු එක්ක යාලුයි කියලා. හොරු එක්ක යාලු නම් අවුරුද්දයි මාස හතක් හිරේ ඉන්නේ නැහැ. හිරේ යන්නෙත් නැහැ”
