ආසියානු මාධ්‍ය ජාලයේ හිමිකරු වන රේනෝ ද සිල්වා විසින් වෙළෙඳපොළ පෙරමුණේ රැඳී සිටින එක්ස්පෝලංකා හෝල්ඩිංග්ස් හි කොටස් මිලියන 06ක් රුපියල් මිලියන 800ක මුදලකට මිලදී ගෙන තිබෙනවා.
එක්ස්පෝලංකා කොටස් මිලියන 6.3 ක් රුපියල් මිලියන 848.4 කට එහිදී ගනුදෙනු වී ඇති අතර, ඊයේ (22) කොළඹ කොටස් හුවමාරුවෙන් 44% ලෙසයි සටහන් වන්නේ.
ඉන් කොටස් මිලියන 06ක කොටස් රුපියල් 132.75 බැඟින් රෙනෝ ද සිල්වා මහතා මිලදී ගෙන තිබෙනවා.
ඔහුව සතුව මීට පෙර එක්ස්පෝ කොටස් මිලියන 04ක් තිබූ අතර ඊයේ (23) මිලදී ගැනීමත් සමඟ ඔහු සතු කොටස් ප්‍රමාණය මිලියන 10 දක්වා දක්වා ඉහළ ගොස් ඇති බවයි වාර්තා වන්නේ.
සම්පත් බැංකුවේ තුන්වන විශාලතම පෞද්ගලික කොටස් හිමියා ලෙස ඔහු විසින් රුපියල් බිලියන 2කට 3%ක කොටස් ලබා ගනිමින් ඔහුගේ කොටස් 9.4% දක්වා වැඩි කර ගැනීමට මේ වන විට සමත්ව තිබෙනවා.
මේ අනුව රේනෝ ද සිල්වා පසුගිය සතියේ සම්පත් බැංකුවේ 3% ක කොටස් රුපියල් බිලියන 02 ක් මිලදී ගත්තේ ඔහු සතු බැංකුවේ කොටස් ප්‍රමාණය 9.4% දක්වා වැඩි කරගෙන ඇති බවයි වාර්තා වන්නේ.
