අන්තර්ජාතික ක්‍රිකට් පිටියෙන් ඉවත් වීම සඳහා ක්‍රිකට් ආයතනයට ලිපියක් යැවූ භානුක රාජපක්ෂ මේ වනවිට තවත් ලිපියක් ශ්‍රී ලංකා ක්‍රිකට් ආයතනයට යොමු කර තිබෙනවා.
එම ලිපිය මගින් අන්තර්ජාතික ක්‍රිකට් පිටියෙන් ඉවත් වීම සඳහා යොමු කළ පළමු ලිපිය ඉල්ලා අස්කර ගන්නා බව සඳහන් කර ඇතැයි වාර්තා වනවා.
මීට සතියකට පමණ පෙර භානුක රාජපක්ෂ අන්තර්ජාතික ක්‍රිකට් පිටියෙන් සමුගන්නා බවට නිවේදනය කළා.
ශාරීරික යෝග්‍යතා පරීක්ෂණය සම්බන්ධයෙන් බලධාරීන් හඳුන්වා දී ඇති නව සංශෝධන සඳහා සිය විරෝධය පළ කරමින් භානුක රාජපක්ෂ ජාත්‍යන්තර ක්‍රිකට් පිටියෙන් සමු ගන්නා බව ශ්‍රී ලංකා ක්‍රිකට් ආයතනය වෙත ලිඛිතව දැනුම් දී ඇති බව එහිදී වාර්තා වුණා.
වාර්තා වනවා.
ලිපිය මගින් ඔහු දන්වා තිබුණේ නව සංශෝධන හේතුවෙන් දක්ෂයන්ට අවස්ථාව අහිමි වන බවයි.
කෙසේ වෙතත් පසුව නිවේදනයක් නිකුත් කරමින් ශ්‍රී ලංකා ක්‍රිකට් ආයතනය පවසා තිබුණේ භානුක රාජපක්ෂ පවුලේ වගකීම් හේතුවෙන් ඉල්ලා අස්වන බව දැනුම් දී ඇති බවයි.
කෙසේ වෙතත් පසුගියදා ක්‍රීඩා අමාත්‍ය නාමල් රාජපක්ෂ මහතා හා භානුක රාජපක්ෂ මහතා අතර හමුවක් පැවැත්වුණා.
