පූනේ අධිවේගී මාර්ගයක අධික වේගයෙන් රිය ධාවනය කිරීම සම්බන්ධයෙන් ඉන්දීය ක්‍රිකට් නායක රෝහිත් ශර්මාට එරෙහිව චෝදනා එල්ලවී තිබෙනවා.
අධික වේගයෙන් රිය පැදවීම හේතුවෙන් ඔහුට එරෙහිව දඩයක් පැනවීමට පොලීසිය කටයුතු කර ඇති බව ඉන්දීය මාධ්‍ය වාර්තා කරනවා.
මේ වනවිට අනාවරණය වී ඇත්තේ,රෝහිත් ශර්මා විසින් සිය ලැම්බෝගිනි වර්ගයේ මෝටර් රථයෙන් අධිවේගී මාර්ගයේ පැයට සැතපුම් 215ක වේගයෙන් රිය ධාවනය කර ඇති බවයි.
ක්‍රිකට් ලෝක කුසලාන තරඟය පැවැත්වෙන පසුබිමක ඉන්දීය කණ්ඩායමේ නායකයා මෙලෙස අධික වේගයෙන් රිය ධාවනය කිරීම සම්බන්ධයෙන් ඉන්දීය බලධාරීන්ගේ අවධානය යොමු වී ඇති අතර කණ්ඩායමේ සාමාජිකයින් සමඟ ඔහුටද පොලිස් ආරක්ෂාව යටතේ නිල බස් රථයේ ගමන්කරන ලෙස ඔවුන් යෝජනා කර තිබෙනවා.
