මෙවර LPL ක්‍රිකට් තරඟාවලියේදී තමන් දඹුල්ල ජයන්ට්ස් කණ්ඩායමට ක්‍රීඩා කරන බවට පළවන වාර්තා අසත්‍ය බව අග්‍රාමාත්‍ය මහින්ද රාජපක්ෂ මහතාගේ පුත් රෝහිත රාජපක්ෂ මහතා පවසනවා.
දඹුල කණ්ඩායම විසින් අගමැති පුතුද ඊයේ (30) දින පැවති පුහුණු තරඟයකට සහභාගීව සිටින අයුරු දැක්වෙන ඡායාරූප පලකිරීමත් සමඟ ඒ සම්බන්ධව ක්‍රීඩාලෝලීන් අතර දැඩි කතාබහක් ඇති විය.
ඒ සම්බන්ධයෙන් ගුවන් විදුලි නාලිකාවක් වෙත අදහස් දක්වමින් රෝහිත රාජපක්ෂ කියා සිටියේ තමන් ඊයේ දිනයේදී පුහුණු තරඟයකට ක්‍රීඩා නොකළ බවයි.
කෙසේ නමුත්, මෙවර එල් පී එල් තරඟාවලියේ දඹුල්ල කණ්ඩායමේ තේමා ගීතය නිර්මාණය කිරීමට තමන් සම්බන්ධ වී සිටින බවත්, ඒ අනුව එම තේමා ගීතයට අදාළ රූප රචන කටයුතු පමණක් ඊයේ දිනයේදී සිදු කළ බවත් ඔහු වැඩිදුරටත් සඳහන් කර සිටියා.
