මධ්‍යම කඳුකරයට පවතින අධික වියළි කාලගුණයත් සමග කාසල්රි සහ මවුස්සාකැලේ ජලාශවල ජල ධාරිතාව සිඝ්‍රයෙන් පහල බසිමින් පවතින බව එම ජලාශයන් භාර ඉංජිනේරුවන් පවසනවා.
පවතින අධික වියළි කාලගුණයත් සමඟ අද (04) දින උදෑසන වන විට කාසල්රි ජලාශයේ ජල ධාරිතාව පිටාර මට්ටමේ සිට අඩි 44 කින් පහළ බැස තිබෙනවා.
ජලාශයන් භාර ඉංජිනේරුවන් පවසන්නේ මවුස්සාකැලේ ජලාශයේ ජල ධාරිතාවද පිටාර මට්ටමේ සිට අඩි 49 කින් පහළ බැස ඇති බවයි.
මේ අතර, ජලාශයන්හි ජල මට්ටම සීඝ්‍රයෙන් පහළ බැසීම හේතුවෙන් මවුස්සාකැලේ ජලාශය ඉදි කිරිමේදි ජලයට යට වු පැරණි මස්කෙළිය නගරයේ පන්සල , හින්දු කොවිල ඇතුළු නටබුන් රැසක් යළි මතු වී තිබෙනවා.
(හැටන්- රංජිත් රාජපක්ෂ)
එලෙස මතුවූ නටඹුන්වල ඡායාරූප පහතින්,
