පසුගිය මාර්තු මාසයේ දී මහ බැංකුව විසින් රුපියල පා කළේ කිසිඳු පාලනයකින් තොරව බව මහ බැංකු අධිපති ආචාර්යනන්දලාල් වීරසිංහ මහතා පවසනවා.
ඒ මහතා මේ බව කියා සිටියේ ඊයේ (15) ශ්රී ලංකා මහ බැංකු පරිශ්රයේ පැවැති පශ්චාත් අයවැය සමාලෝචන සම්මන්ත්රණයකදීයි.
එහිදී මහ බැංකු අධිපතිවරයා ප්රකාශ කළේ, “පසුගිය කාලය තුල රට ආර්ථික අර්බුධයකට යොමුවෙන බව පැහැදිළි වෙලා තිබුණේ. මේ අවුරුද්ද වෙනකොට මුල ඉඳන්ම ණය ගෙවීමේ හැකියාව අඩුවෙලා, අස්ථාවර, සස්ටේනබල් නැති තත්ත්වයකට පත් වුණු දේවල් හැමෝම දන්න කරුණක්. අපි ණය දීපු පාර්ශවය ඒ වෙලාවේ ඉඳන් වෙලාවේ හිටියේ ණය ප්රතිව්යුහගත කරන්න ලෑස්ති වෙලා. ණය කමිටුව ලැහැස්ති කරගෙන සුදානමක් තිබුණා. ඒක අපි මේක නිවේදනය කරලත් තිබුණා. අපේ සංචිත අඩු වීගෙන යන වෙලාවේ ජනවාරි මාසයේ අපේ ස්වෛරීත්ව බැඳුම්කර මිලියන 500ක් ගෙවන කොට අපේ සංචිත තිබ්බේ අඩුවෙන් සහ තවත් ඉස්සරහට නොලැබෙන තත්ත්වයක. රේටින් අඩු වුණා අපේ ණය දීපු අය සුදානම්ව හිටියේ පැහැදිලිවම ඒ අය දැනගෙන හිටියා ණය ගෙවන්න හැකියාවක් නොමැති බව. ඒ අනුව ණය ගෙවීමට හැකියාවක් නොමැතිව තියෙනකොට මහ බැංකුවෙන් 203ට රුපියලේ අගය පවත්වාගෙන ගිය. තියෙන සංචිතවලින් ණය ගෙවන්න සහ පෙට්රල් ඩීසල්වලට වියදම් කළා. එහෙමත් බැරි බව තේරුණාම තමයි මාර්තු මාසයේ පළවෙනි පියවර ගත්තේ රුපියල පා කරලා ඇරලා කිසිම කොන්ට්රෝල් එකක් නැතිව. මුදල් මණ්ඩලයේ අනුමැතිය නැතුව රුපියල පා කරා. එතැනින් තමයි එක පාරටම 203 ඉඳලා 365, 380 යනකං ගියා”.