ටික කලක සිට මහජනයාගෙන් දුරව සිටින වේල්සයේ කුමරිය හෙවත් කේට් කුමරිය ඊයේ (22) නිවේදනයක් කරමින් සඳහන් කළේ , තමන්ටද පිළිකාවක් ඇති බවට හඳුනාගත් බවයි.
ඒ හේතුවෙන් තමන් රසායනික චිකිත්සාවකට භාජනය වූ බව ඇය සිය නිවේදනයෙන් දන්වා සිටියා.
බ්රිතාන්යයේ අනාගත රජු වන විලියම් කුමරුගේ 42 හැවිරිදි භාර්යාව වන කේට් කුමරිය, ඉකුත් ජනවාරි මාසයේදී උදරයේ ශල්යකර්මයක් සිදුකර තිබුණා.
ඒ හේතුවෙන් ඇය ලන්ඩනයේ පෞද්ගලික සායනක සති දෙකකට ආසන්න කාලයක් නේවාසිකව රැඳි සිටි ප්රතිකාර ලබාගෙන තිබෙනවා.
කෙසේ වෙතත් ශල්යකර්මයෙන් පසු ඇය පවසා සිටියේ, ඇගේ ආබාධය තත්ත්වය පිළිකාවක් නොවන බවත්, සැත්කම ද සාර්ථක වූ බවයි.
එහෙත් සැත්කමෙන් පසු සිදුකළ පරීක්ෂණ මගින් අනාවරණය වී ඇත්තේ ඇයට පිළිකාවක් ඇති බවයි.
නමුත් ඇයට ඇත්තේ කුමන ආකාරයේ පිළිකාවක්ද යන්න හෝ එය කුමන අවධියක වර්ධනය වූවක්ද යන්න විලියම් – කේට් යුවළගේ රාජකීය පවුල වන කෙන්සිංටන් මාලිගය පවසා නැහැ.
තුන්වන චාල්ස් රජුටද (විලියම්ගේ පියා) පිළිකාවක් වැළඳී ඇති බව පසුගිය මාසයේදී හඳුනාගත් අතර, මේ වනවිට ඔහුද ඊට ප්රතිකාර ලබමින් සිටිනවා.