විපක්ෂ නායකවරයා විසින් අත්අඩංගුවේ පසුවන අන්තර් විශ්වවිද්‍යාල ශිෂ්‍ය බළමණ්ඩලයේ කැඳවුම්කරු වසන්ත මුදලිගේ හමුවීමට රාගම ශික්ෂණ රෝහලට අද(19) පැමිණ තිබෙනවා.
එහිදී විපක්ෂ නායක සජිත් ප්‍රේමදාස මහතා කියාසිටියේ රජය විසින් පුරවැසියන්ගේ මුලික ප්‍රජාතන්ත්‍රවාදී අයිතීන් අඛණ්ඩව උල්ලංඝනය කරන ජාතියක් බවට ශ්‍රී ලංකාව පත්ව ඇති බවයි.
ප්‍රජාන්ත්‍රවාදී අයිතීන් ක්‍රියාත්මක කිරීමට ජනතාවට නිදහස ලබාදිය යුතු බවත් ඔවුන්ගේ අයිතීන් සීමා කිරීමට රජය ගන්නා ක්‍රියාමාර්ගවලට සමගි ජන බලවේගය විරෝධය පළ කරන බවත් ඔහු ප්‍රකාශ කරනවා.
ශ්‍රී ලංකාව තුළ අත්තනෝමතික බලයක් නිර්මාණය කිරීමේ අරමුණින් මැතිවරණ ප්‍රමාද කිරීම තුළින් රජය ජනතා අයිතීන් කඩ කරන බවත් සමගි ජන බලවේගය හෝ එහි කිසිවෙකුත් කිසිවිටෙකත් එවැනි රජයක් සමඟ කටයුතු නොකරන බවත් මන්ත්‍රීවරයා චෝදනා කරමින් කියා සිටියා.
වසන්ත මුදලිගේ සහ තවත් පිරිසක් ඊයේ (18) කැලණිය විශ්ව විද්‍යාලය අසල උද්ඝෝෂණයක් පැවැත්වීම හේතුවෙන් අත්අඩංගුවට ගෙන තිබෙනවා.
