ආර්ථික ප්‍රතිසංස්කරණ සිදුකරන තුරු පාකිස්තනයට තවදුරටත් ණය ආධාර ලබා දීම සෞදි අරාබිය ප්‍රතික්ෂේපක කළ බව ‘මිඩ්ල් ඊස්ට් අයි’ වාර්තා කර ඇත.
ඉදිරි වසර තුනහමාර තුළ ඩොලර් බිලියන 80 කට ආසන්න ජාත්‍යන්තර ණය ආපසු ගෙවීම පැහැර හැරීම වළක්වා ගැනීම සඳහා පාකිස්තානයට තිරසාර විදේශ විනිමය ගලා ඒමේ දැඩි අවශ්‍යතාවක් පවතී. මේ වන විට එරට විදෙස් සංචිතය ඩොලර් බිලියන 3 ක් පමණකි.
පකිස්ථානයට තවදුරටත් ණය සහනයක් හෝ පොලී රහිත ණයක් ලබා දීම ප්‍රතික්ෂේප කිරීමට සෞදි අරාබිය ගත් තීරණය ඉස්ලාමාබාද්හි රජය කම්පනයට පත් කර ඇති අතර මිත්‍ර රටවල් පවා පකිස්ථානයට එහි ආර්ථික හදිසි අවස්ථාවෙන් උදව් කිරීමට උනන්දු නොවන බව මිඩ්ල් ඊස්ට් අයි වාර්තා කර තිබේ.
මීට පෙර සෞදි අරාබිය සහ අනෙකුත් ගල්ෆ් රටවල්, විදේශ අමාත්‍යවරයාගේ හෝ අගමැතිවරයාගේ දුරකථන ඇමතුමකින් පකිස්තානයට ණය ලබාදී ඇත.
මෑත සංචාරයකදී පාකිස්තාන හමුදා ප්‍රධානියාට පවා සෞදියේ ඔටුන්න හිමි මොහොමඩ් බින් සල්මාන් කුමරුට සිය රට සඳහා හදිසි අරමුදල් මුදා හැරීමට ඒත්තු ගැන්වීමට නොහැකි වූ බව විශ්වාස කෙරේ.
ජනවාරි මාසයේ ඩාවෝස් හි පැවති ලෝක ආර්ථික සමුළුවේදී සෞදි මුදල් ඇමතිවරයා රාජධානියේ නව ප්‍රතිපත්තිය ඉතා පැහැදිලිව ප්‍රකාශ කළ බව මිඩ්ල් ඊස්ට් අයි වාර්තා කළේය.
මේ අතර, පකිස්ථානයේ උද්ධමන අනුපාතය ඉදිරි මාසවලදී සියයට 33 දක්වා ඉහළ යනු ඇති අතර, පසුගිය මාස 12 තුළ රටේ මුදල් ඒකකය සියයට 65කින් පමණ අවප්‍රමාණය වී ඇත.
