මෙරට සියලුම රජයේ පාසල්වල සහ රජයේ අනුමත පාසල්වල අධ්‍යයන කටයුතු අද (03) ආරම්භ වනවා.
පසුගිය දෙසැම්බර් මස 23 වනදා පාසල් සඳහා නිවාඩු ලබාදීමට පියවර ගැණුනු අතර අද දිනයේ සිට යළි පාසල් පවත්වාගෙන යාමට අවසර ලැබුණේ සෞඛ්‍ය මාර්ගෝපදේශවලට අනුකුලවයි.
මාස 6ක පමණ කාලයක් කොවිඩ් වසංගත තත්ත්වයත් සමග පාසල් වසා තැබීමට සිදුවීම හේතුවෙන් 2021 වසර අවසාන පාසල් නිවාඩුව දින 10කට පමණක් සීමා කිරීමට අධ්‍යාපන අමාත්‍යංශය පියවර ගනු ලැබීය.
කෙසේ නමුත් අධ්‍යාපන අමාත්‍යංශය උපදෙස් ලබාදී ඇති ඇත්තේ පාසල් ආරම්භ කර පවත්වාගෙන යාමේදී සිසුන් 27ට වැඩි පිරිසක් සිටින පන්ති කාමරවල අධ්‍යයන කටයුතු සඳහා කොටස් වශයෙන් සිසුන් කැඳවීමටයි.
එමෙන්ම, පාසල් අද දිනයේ සිට ආරම්භ කළද 2021 අධ්‍යයන වර්ෂය ලබන අප්‍රේල් මස 08 වන දින දක්වා ක්‍රියාත්මක වන බැවින් ශ්‍රේණි උසස් කිරීමක් සිදුනොවන බවත් අධ්‍යාපන අමාත්‍යංශය අවධාරණය කරනවා.
