G20 සමුලුවට සමගාමීව පැවැත්වෙන සංචාරක ක්ෂේත්‍රය පිළිබඳ කාර්ය මණ්ඩල සැසිවාරය වෙනුවෙන් කාශ්මීරයේ ආරක්ෂාව තර කිරීමට විශේෂ වැඩපිළිවෙලක් දියත් කර ඇතැයි වාර්තා වේ.
ආරක්ෂක මුර කපොලු ඉහළ නංවා ඇති අතර ප්‍රති ඩ්‍රෝන පද්ධතියක් ද ස්ථාපිත කර තිබේ.
ශ්‍රී නගර් හි පැවැත්වෙන සැසිවාරය සඳහා චීනය හැර සෙසු සියලු සාමාජික රටවල නියෝජිතයින්ගේ සහභාගීත්වය තහවුරු කර ඇත.
මැයි 22 සහ 23 දෙදින සැසිවාරය පැවැත්වෙන අතර මැයි 24 වැනිදා නියෝජිතයන් පිරිස කාශ්මීර නිම්නයේ සුන්දර හා වැදගත් ස්ථානවල සංචාරය කිරීමට ද සැලසුම් කර තිබේ.
ජ්‍යෙෂ්ඨ පොලිස් නිලධාරියෙක් උපුටා දක්වමින් මාධ්‍ය වාර්තා කළේ, කිසිදු අනපේක්ෂිත සිදුවීමක් වළක්වා ගැනීම අරමුණු කරගත් නිරීක්ෂණ කටයුතු සඳහා අති නවීන ඩ්‍රෝන යානා සහ සීසීටීවී කැමරා භාවිතා කරන බවයි.
