රන්න, කහදමෝදර ප්‍රදේශයේදී අද (6) පෙරවරු 10.45 ට පමණ පුද්ගලයෙකුට වෙඩි තබා ඇති බව පොලීසිය පවසනවා.
පොලීසිය සඳහන් කළේ වෙඩි වැදුණු පුද්ගලයා බරපතල තත්ත්වයෙන් තංගල්ල මූලික රෝහලට ඇතුළත් කර ඇති අතර තුවාල කරු කහදමෝදර ප්‍රදේශයේ පදිංචි කරුවෙක් බවයි .
ඔහු බහුදින ධීවර යාත්‍රාවක ස්කිපර්වරයෙකු ලෙස රැකියාව කරන අයෙකු බවද පොලිසිය තවදුරටත් ප්‍රකාශ කළා.
මේ වන විට වෙඩි තැබීමට සම්බන්ධ සැකකරු හඳුනාගෙන ඇති අතර ඔහු ටී කටස් වර්ගයේ ගිනි අවියකින් තුවාල කරුගේ හිසට වෙඩි තබා ඇති බව පොලිසිය විසින් අනාවරණය කරගෙන තිබෙනවා.
පුද්ගලික ආරවුලක් නිසා මෙම වෙඩි තැබීම සිදුකර ඇතැයි පොලිසිය සැක පළ කරනවා.
හුංගම පොලිසිය සිද්ධිය සම්බන්ධයෙන් වැඩිදුරට පරීක්ෂණ සිදු කිරීමට නියමිතයි.
