වතු කම්කරුවෙකුගේ වැටුප් වැඩි කිරිම සම්බන්ධයෙන් කම්කරු අමාත්යංශය මගින් පසුගිය 30 වැනිදා දින නිකුත් කර ඇති අංක 2382/04 අති විශේෂ ගැසට් පත්රයේ සදහන් කර ඇත්තේ, වතු කම්කරුවෙකුගේ දෛනික වැටුප රුපියල් 1700 දක්වා වැඩි කිරිමට අපෙක්ෂා කරන බවට පමණක් බව වතු හාම්පුතුන්ගේ සංගමයේ මාධ්ය ප්රකාශක රොෂාන් රාජදොරේ මහතා පවසනවා.
රොෂාන් රාජදොරේ මහතා අප කල විමසුමකට පිළිතුරු දෙමින් අද (02) කියා සිටියේ, වතු කම්කරුවන්ට රුපියල් 1700 දක්වා වැටුප් වැඩි කිරිමට අපෙක්ෂා කිරිම සම්බන්ධයෙන් විරෝධතා වෙතොත් එම විරෝධතා තම අමාත්යංශය වෙත ඉදිරිපත් කරන ලෙසට එම ගැසට් පත්රයේ සදහන් කර ඇති බවයි.
නිමි තේ කිලෝවක් නිෂ්පාදනය කිරිම සදහා මේ වන විට රුපියල් 1500 පමණ පිරිවැයක් දරමින් වතු කම්කරුවෙකුට දෛනික රුපියල් 1000 වැටුපක් ගෙවන බව ඔහු කියා සිටියා.
වතු කම්කරුවන්ගේ වැටුප් ඉහල දැමිම සම්බන්ධයෙන් වතු සමාගම් විරුද්ධ නොවන බවත්, නිමි තේ කිලෝවක් නිෂ්පාදනය කිරිම සදහා අධික පිරිවැයක් දැරිමට සිදුවිම හමුවේ රජය වතු කම්කරුවන්ට අපෙක්ෂා කරන වැටුප ගෙවිම අසිරු බවයි රොෂාන් රාජදොරේ මහතා සදහන් කළේ.
මේ දිනවල රු 1500 පිරිවැයක් දරා නිෂ්පාදනය කරනු ලබන නිමි තේ කිලෝවක් රු 1100 වැනි මිලකට අලෙවි වන බවත්, තේ මිල ඉහල ගියහොත් වතු කම්කරුවන්ට ගෙවිමට රජය අපෙක්ෂා කරන වැටුප පිලිබදව වතු සමාගම් වලට සලකා බැලිමට හැකියාව ඇති බවත් ඔහු පවසනවා.
ඔහු වැඩිදුරටත් කියා සිටියේ, දැනට වතු කම්කරුවන්ගේ වැටුප් වැඩි කිරිම සම්බන්ධයෙන් පැන නැගි ඇති ගැටළු සම්බන්ධයෙන් කම්කරු අමාත්යවරයා සහ ජනාධිපතිවරයා සමග සාකච්ඡා කල බවත්, එම සාකච්ඡා වලට විසදුම් නොලදහොත් සියලුම වතු සමාගම් සමග සාකච්ඡා කර එම සාකච්ඡාවෙන් ඇති කර ගන්නා එකගතාවය මත වතු හාම්පුතුන්ගේ සංගමය එම ගැසට් නිවේදනයට එරෙහිව අධිකරණයේ පිහිටි පැතිමට අපෙක්ෂා කරන බවයි.
මේ මස 10 වැනිදා ප්රකාශයට පත් කර ඇති වැටුප වතු සමාගම් විසින් ගෙවන බවට වතු කම්කරුවන් අපෙක්ෂාවෙන් සිටියද එම වැටුප ගෙවිමට කිසිසෙත් වතු සමාගම් වලට නොහැකි බවයි රොෂාන් රාජදොරේ මහතා සදහන් කළේ.