පාර්ලිමේන්තුවේ නියෝජ්‍ය කථානායක ධුරය සඳහා යළිත් ශ්‍රී ලංකා නිදහස් පක්ෂයේ පාර්ලිමේන්තු මන්ත්‍රී රංජිත් සියඹලාපිටියගේ නම යෝජනා වී තිබෙනවා.
එම යෝජනාවට ආණ්ඩු පක්ෂයේ සම්පූර්ණ සහය ලැබෙන බවයි අමාත්‍ය දිනේෂ් ගුණවර්ධන පවසා සිටියේ.
ඉන් අනතුරුව ව්පක්ෂය විසින් ඉම්තියාස් බාකිර් මාකර්ගේ නම පාර්ලිමේන්තුවේ නියෝජ්‍ය කථානායක ධුරය සඳහා යෝජනා කර සිටියා.
වෙනත් නම් යෝජනා නොවූ හෙයින්, ඒ සම්බන්ධව ඡන්ද විමසීමක් පැවැත්වීමට කථානායක වරයා තීරණය කර සිටියා.
ශ්‍රී ලංකා නිදහස් පක්ෂය සහ ශ්‍රී ලංකා පොදුජන පෙරමුණ අතර ඇතිවූ දේශපාලන ගැටුම මත ඒ මහතා පසුගිය අප්‍රේල් 30 වනදා සිට නියෝජ්‍ය කථානායක ධුරයෙන් ඉල්ලා අස්වූ අතර කථානායක මහින්ද යාපා අබේවර්ධන මහතා ඊයේ නිවේදනය කළේ සියඹලාපිටිය මහතාගේ ඉල්ලා අස්වීම ජනාධිපතිවරයා විසින් භාරගෙන ඇති බවකි.
කෙසේවෙතත් අද (05) දිනයේදී නියෝජ්‍ය කථානායක ධුරය සඳහා විසින් ඔහුගේ නම නැවතත් යෝජනා විය.
