පසුගිය වසරේ පැවැති අරගලයේ දී ගෙවල් ගිනි තැබීම්වලට ලක්වූ ආණ්ඩුවේ මැති ඇමතිවරුන් වෙනුවෙන් තවමත් සාධාරණයක් ඉටුව නොමැති බව පවසමින් ශ්රී ලංකා පොදුජන පෙරමුණේ මන්ත්රීවරුන් පිරිසක් ජනාධිපති රනිල් වික්රමසිංහ මහතා හමුවී ප්රකාශ කර තිබෙනවා.
අවසන් වරට ජනාධිපති ලේකම් කාර්යාලයේ දී ජනාධිපතිවරයාගේ ප්රධානත්වයෙන් පැවැති ආණ්ඩු පක්ෂ මන්ත්රී කණ්ඩායම් රැස්වීමේ දී එම මන්ත්රීවරුන් පිරිසක් මෙම දුක් ගැනවිල්ල ඉදිරිපත් කර ඇති බව සඳහන්.
ඔවුන් පෙන්වා දී ඇත්තේ ආපදාවට ලක්වූ මැති ඇමතිවරුන් එක්ව අධිකරණයට ඉදිරිපත් කළ නඩුවක් තමන්ද නොදැනුවත්ව ඉවත් කරගෙන ඇති බවයි.
අදාල නඩුව ඉවත් කරගැනීමේ දී සිද්ධිය සම්බන්ධයෙන් පුර්ණ විමර්ශනයක් කරන බවට පොලීසිය සහතිකයක් ලබාදුන්නද මේ දක්වා ඒ සම්බන්ධයෙන් කිසිඳු පියවරක් ගෙන නොමැති බව එම මන්ත්රීවරුන් මෙහිදී සඳහන් කර තිබෙනවා.
වැරදි කළ පුද්ගලයන්ට ක්රියාමාර්ගයක් නොගැනීම සම්බන්ධයෙන් තමන් තුළ බලවත් කණගාටුවක් ඇති බවද එම මන්ත්රීවරුන් මෙම රැස්වීමේදී ප්රකාශ කර ඇති බවයි වාර්තා වන්නේ.