ස්විට්සර්ලන්තයේ ජිනීවා නුවර පැවැත්වෙන ආරාධිත මලල ක්රීඩා ඉසව්වකට ශ්රී ලංකාව නියෝජනය කරමින් පැමිණි ශ්රී ලංකාවේ ප්රකට ක්රීඩකයෙක් අතුරුදන්ව ඇතැයි වාර්තා වෙනවා.
ඒ තුන්පිම්ම (පිරිමි) ශ්රී ලංකා වාර්තාවට හිමිකම් කියන, දුර පැනීමේ ජාතික ශූරයා ද වන ග්රේෂන් ධනංජය බවයි සඳහන් වන්නේ.
ග්රේෂන් ධනංජය ජිනීවා නුවර පැවැත්වෙන මලල ක්රීඩා උළෙලට සහභාගි වීම සඳහා පෞද්ගලික ආරාධනයක් මත ස්විට්සර්ලන්තයට ගොස් තිබෙන අතර ඔහු සමඟ දුර පැනීමේ ශූරී සාරංගි ද සිල්වා සහ ජාතික මලල ක්රීඩා පුහුණුකරු Y. K. කුලරත්න ද එක්ව සිට තිබෙනවා.
ශ්රී ලංකා මලල ක්රීඩා (SLA) ලේකම් සමන් කුමාර ගුණවර්ධන මහතා මෙම තත්ත්වය පිළිබඳව අදහස් දක්වමින් කියා සිටියේ මෙම සංචාරය පෞද්ගලික ආරාධනයක් හරහා සංවිධානය කර ඇති බැවින් ශ්රී ලංකා මලල ක්රීඩා සංගමයට ක්රීඩකයාගේ වගකීම භාරගත නොහැකි බවයි.