අධ්‍යාපන අමාත්‍යාංශය ඉදිරිපිට අද පැවති උද්ඝෝෂණයට ගුරුවරුන් සම්බන්ධ නොමැති බව ලංකා ගුරු සංගමයේ ලේකම් ජෝසප් ස්ටාලින් මහතා පවසනවා.
උලපනේ සුමංගල හිමියන් සභාපතිත්වය දරන අධ්‍යාපනය වෘත්තිකයන්ගේ සංගමය විසින් අධ්‍යාපන අමාත්‍යාංශය ඉදිරිපිටදී අද විරොධතාවයක් සිදුකළ අතර එහිදීැතිවූයේ උණුසුම් තත්වයක්.
ඕනෑම පුද්ගලයෙකුට විරෝධතා සිදුකිරීමට ඇති අයිතිය ගැටළුවක් නොවුණද මෙම විරෝධතාවයට ගුරු සංගම් අදාල නොවන බවයි ජෝසප් ස්ටාලින් මහතා පෙන්වා දෙන්නේ.
ඔවුන් ගුරුවරුන්ගේ ප්‍රධාන විරෝධතාවයට අදාල නොවන බවත් අද දින තමන්ගේ උද්ඝෝෂණය පැවතුනේ මහනුවර බවත් එය මීට වඩා විශාල සහ ප්‍රභල විරෝධතාවයක් බවත් ඒ මහතා පවසා සිටියා.
රජය විසින් දිගින් දිගටම අසත්‍ය සංඛ්‍යා ලේඛන පෙන්වා දෙමින් දරුවන්ගේ අධ්‍යාපනය කඩාකප්පල්වීමේ වගකීමෙන් ගැලවෙමින් සිටියදී තමන්ගේ වියදමෙන් දරුවන්ට අධ්‍යාපනය ලබා දුනේ ගුරුවරුන් බවත් ගුරුවරුන්ගේ මෙම ගැටළු වලට කඩිනම් විසඳුම් අවශ්‍ය බවත් ලංකා ගුරු සංගමය අවධාරණය කර සිටිනවා.
