විදේශගත ශ්රමිකයින් මාර්තු මාසයේදී පමණක් ඇමරිකානු ඩොලර් මිලියන 572.4 ක මුදලක් මෙරටට එවා තිබෙන බවට වාර්තා වනවා.
කම්කරු සහ විදේශ රැකියා අමාත්ය මනුෂ නානායක්කාර මහතා අමාත්යධූරය ලබාගැනීමෙන් පසුව විදේශගත ශ්රමිකයින් එවූ ප්රේශණ ප්රමාණය ඇමරිකානු ඩොලර් බිලියන 10 ඉක්මවා තිබෙනවා.
විදේශගත ශ්රමිකයින් මේ වසරේ මුල් මාස තුන තුළදී පමණක් ඩොලර් බිලියන 1.53 ක මෙරටට එවා තිබෙන අතර එය පසුගිය වසරට සාපේක්ෂව සියයට 8.7 ක ඉහලයාමක්.
අමාත්යවරයා, කම්කරු සහ විදේශ රැකියා අමාත්යවරයා වශයෙන් වැඩ භාරගත් 2022 වසරේ මැයි මාසයේ සිට මේ දක්වා විදේශගත ශ්රමිකයින් ඇමරිකානු ඩොලර් මිලියන 10,263.8 ක මුදලක් මෙරටට පැමිණ තිබෙනවා.
ඩොලර් බිලියන 10.26 ක් වන එම විදේශ ප්රේෂණ නීත්යානුකූලව බැංකු ක්රමය හරහා මෙරටට ගෙන්වා ගැනීම සදහා විදේශ ගත ශ්රමිකයින් වෙනුවෙන් දිරි දීම් රැසක් ක්රියාත්මක කර තිබුණා.
නීත්යානුකූලව බැංකු ක්රමය හරහා මුදල් එවන ශ්රමිකයින්ට ඉලෙට්රික් වාහන ආනයන බලපත්ර ලබාදීම, මනුසවි විශ්රාම වැටුප් යෝජනා ක්රමය හදුන්වා දීම, බහු කාර්ය ණය යෝජනා ක්රමයක් හදුන්වා දීම, හෝප් ගේට් නමින් ගුවන්තොටුපොලේ විදේශගත ශ්රමිකයින් සදහා වන විශේෂ ද්වාරයක් හදුන්වා දීම වැනි පියවර ගෙන තිබෙනවා.