දෙදින නිල සංචාරයක් සදහා මෙරටට පැමිණි පාකිස්ථාන අග්රාමාත්ය ඉම්රාන් ඛාන් මහතාව පිළිගැනීම සදහා අග්රාමාත්ය මහින්ද රාජපක්ෂ මහතා කටුනායක බණ්ඩාරනායක ජාත්යාන්තර ගුවන්තොටුපොලට පැමිණියා.
මෙම අවස්ථාව ආවරණය කිරීම සදහා දෙස් විදෙස් මාධ්යවේදීන් හටද අවස්ථාව ලබාදී තිබූ අතර විවෘත ලොරියක සැකසූ පීඨිකාවක් මත සියලු කැමරා ශිල්පීන් හට පහසුකම් සපයා තිබුණා.
කෙසේ වෙතත් අග්රාමාත්යවරයාගේ, විදේශ කටයුතු අමාත්යවරයාගේ, සිවිල් ගුවන්සේවා අධිකාරියේ, යුධ හමුදා මාධ්ය ඒකකයේ, ජනමාධ්ය අමාත්යාංශයේ කැමරාකරුවන් අදාල ප්රභූන් අසල පොර කමින් ඡායාරූපකරණයේ යෙදී තිබෙනවා.
මේ හේතුවෙන් එක් ස්ථානයක ගොඩගසා පිළිවෙලකට තම මාධ්ය ආවරණ කටයුතු සිදුකිරීමට සූදානම්ව සිටි මාධ්යවේදීන් දැඩි අපහසුතාවයකට ලක්වුණා.
ඔවුන් පවසන්නේ අදාල පුද්ගලයන්ගේ පිළිකුල් සහගත හැසිරීම නිසාවෙන් තමන් ලබාගත් බොහෝ ඡායාරූපවල ඇත්තේ ආණ්ඩුවේ කැමරාකරුවන්ගේ පශ්චාත්භාග බවයි.