ඇල්ල, කරදගොල්ල, දහය කණුව ප්‍රදේශයේ මේ වන විට නායයෑමක් සක්‍රීය වී තිබෙනවා.
ඇල්ල – වැල්ලවාය මාර්ගයටද බලපෑම් ඇතිවිය හැකි බැවින් රියැදුරන් ඒ පිළිබඳව සැළකිලිමත් වීම අත්‍යවශ්‍ය බව බදුල්ල දිස්ත්‍රික් ආපදා කළමනාකරණ ඒකකයේ නියෝජ්‍ය අධ්‍යක්ෂ අධ්‍යක්ෂ එම්.එල්. උදය කුමාර මහතා පවසනවා.
ඒ අනුව, මේ වනවිට නිවාස 10ක ජනතාව සිය පදිංචි ස්ථානවලින් ඉවත් කර ඇති බව එම ඒකකයේ නියෝජ්‍ය අධ්‍යක්ෂ එම්.එල්. උදය කුමාර මහතා සඳහන් කළා.
නායයාමට ලක් වූ භූමිය අක්කර 02ක පමණ භූමි භාගයක් වන අතර, මෙහි බලපෑම අක්කර තිහක පමණ වපසරියකට විහිදී ඇති බවට වාර්තා වන්නේ.
එම ප්‍රදේශය කලක සිට නායයෑමේ අවධනමක් පවතින බවට හඳුනාගත් ප්‍රදේශයක් වනවා.
උමා ඔය ජලාශයේ උමඟට ජලය පිරීමත් සමඟ මෙම ප්‍රදේශයට ගලාගෙන එන ජල ප්‍රමාණය ඉහළ ගොස් ඇති බවත් ප්‍රදේශවාසින් පවසනවා.
