හංවැල්ල ප්‍රදේශයේ දී තම දරුවන් දෙදෙනා ප්‍රාණ ඇපයට තබාගෙන සිටි පියෙකු පොලිස් විශේෂ කාර්ය බළකාය සිදුකළ විශේෂ මෙහෙයුමක දී අත්අඩංගුවට ගෙන තිබුණා.
ඊයේ (05) රාත්‍රී කාලයේ හංවැල්ල, ජල්තර, රාජ්‍ය සේවක නිවාස සංකීර්ණයේ පදිංචි පුද්ගලයෙකු තම බිරිඳ ඝාතනය කිරීම සඳහා අත්බෝම්බයක් ද රැගෙන සිය නිවස වෙත පැමිණ තිබෙනවා.
මෙලෙස රක්ෂිත බන්ධනාගාර ගත කර ඇත්තේ, කන්තලේ අග්බෝපුර ප්‍රදේශයේ පදිංචිකරුවකු වන සංජය සඳකැලුම් ජයරත්න නමැති 38 හැවිරිදි ආපන ශාලාවක් පවත්වාගෙන ගිය පුද්ගලයෙක්.
අධිකරණය වෙත ඉදිරිපත් කිරීමෙන් පසු ලබන 17 වෙනි දින දක්වා රක්ෂිත බන්ධනාගාර ගත කරන ලෙස හෝමාගම මහේස්ත්‍රාත් රජීන්ද්‍රා ජයසූරිය මහත්මිය අද (06) දින නියෝග කළා.
සැකකරු විසින් සි4 වර්ගයේ අධි බලැති අත් බෝම්බයක් ලග තබාගැනීම මිනී මැරීමට තැත් කිරීම, මහජනතාව පීඩාවට පත් කිරීම සහ බලහත්කාරයෙන් රඳවා තබා ගැනීම යන චෝදනා යටතේ හංවැල්ල පොලිසිය මගින් සැකකරු අධිකරණය වෙත ඉදිරිපත් කරන තිබෙනවා.
සැකකරු සහ ඔහුගේ බිරිඳ අතර කලක සිට පැවැති රණ්ඩු සරුවල් වීම හේතුවෙන් සැකකරු විදෙස් ගතව සිටි සමයේදී බිරිඳ තමන්ට නොදන්වා වෙනත් ස්ථානයකට පදිංචියට යාම සහ තවත් කරුණු නිසාවෙන් ඇයව ඝාතනය කිරීම සදහා ඊයේ (05) දින සවස එම කාන්තාව පදිංචිව සිටි හංවැල්ල ජල්තර රාජ්‍ය සේවක නිවාස සංකීර්ණයට පැමිණ අත් බෝම්බයක් රැගෙනවිත් තිබුණා.
ඇයව ඝාතනය කිරීමට යාමේදී එම කාන්තාව විසින් සැකකරු තල්ලුකර දමා පලායාම නිසාවෙන් දරුවන් දෙදෙනා ප්‍රාණ ඇපයට තපා ගනිමින් බිරිඳ ගෙනැවිත් නොදුනහොත් දරුවන් සමග සියදිවි හානි කර ගන්නා බවට පවසමින් මහත් කලබලයක් සිදු කර තිබුණා.
පසුව පොලිස් විශේෂ කාර්ය බලකායේ පැය නවයක මෙහෙයුමකින් අනතුරුව දරුවන් දෙදෙනා නිරුපද්‍රිතව මුදා ගැනීමටත් සැකකරු අත් අඩංගුවට ගැනීමටත් අද (06) දින කටයුතු කරනු ලැබුවා.
