කටාන ප්රාදේශීය සභාවේ හිටපු උප සභාපති පීටර් හපුආරච්චි මහතා පුත්තලම වනාතවිල්ලූව ප්රදේශයේ ඔහුට අයත් පොල්වත්තක මුර කුටිය තුල අත් පා ගැට ගසා ඝාතනය කර තිබියදී අද (28) සොයා ගත් බව වනාතවිල්ලුව පොලිසිය පවසනවා.
මීගමුව කොච්චිකඩේ ප්රදේශයේ පදිංචි පිට හපුආරච්චි මහතා ඔහුට අයත් ඉඩමේ පොල් කැඩීම සඳහා ඊයේ(27) උදේ වනාතවිල්ලුව ප්රදේශයේ පිහිටි එම ඉඩමට ගොස් තිබෙනවා.
කඩන ලද පොල් තොගයෙන් කොටසක් පොල් ව්යාපාරිකයෙකුට විකුණා ඇති අතර එම පොල් ව්යාපාරිකයා ඉතිරි පොල් තොගය රැගෙන යෑමට අද වත්තට පැමිණි අවස්ථාවේදී ඔහු මුර කුටිය තුල අත් පා ගැට ගසා පීටර් මහතා ඝාතනය කර තිබෙන අයුරු දැක ඒ බව පොලිසියට පැමිණිලි කර තිබෙනවා බව පොලිසිය සඳහන් කරනවා.
පොල් වත්තේ මුරකරු ලෙස සිටි පුද්ගලයා සහ ඔහුගේ බිරිඳ පීටර් මහතාගේ ඝාතනයෙන් පසු අතුරුදන්ව බවත් ඊයෙ දිනයේ ඔවුන් දෙදෙනා මෙහි සිටි බව පොල් ව්යාපාරිකයා පොලිසියට පවසා තිබෙනවා.
පීටර් හපුආරච්චි මහතා ඝාතනය කිරීමෙන් පසු මෙම අඹුසැමි යුවළ පලා යන්නට ඇතැයි පොලිසිය සැක කරන අතර පලාගිය අඹුසැමි යුවළ ගැන තවම කිසිදු තොරතුරක් පොලිසියට ලැබී නොමැති බවයි සඳහන් වන්නේ.
වනාතවිල්ලුව පොලීසියේ අපරාධ විමර්ශන අංශයේ නිලධාරීන් කණ්ඩායමක් පළා දිය අඹු සැමි යුවල අත් අඩංගුවට ගැනීමට පුළුල් පරීක්ෂණ පවත්වාගෙන යයි