වෙනත් රටවලට යෑමේ අරමුණින් විදෙස් ගමන් බලපත්‍ර සකස් කර ගැනීම සඳහා ආගමන විගමන දෙපාර්තමේන්තුවට පැමිණෙන පිරිස සියයට 30% – 40% අතර ප්‍රමාණයකින් වැඩිවී ඇතැයි එම දෙපාර්තමේන්තු ආරංචි මාර්ග පවසනවා.
විදෙස් ගමන් බලපත්‍ර ලබා ගැනීම සඳහා කරුණ විමසීම්ද ඒ හා සමානව වැඩිවී ඇති බවයි එහි ප්‍රකාශකයෙක් පවසන්නේ.
රටපුරා නිවාස සහ වාහන විකිණීම්ද පසුගිය දිනවල වැඩිවී ඇති අතර බොහෝ දෙනකු ඒ දේපළ විකුණා ඇත්තේ විදේශගතවීම සඳහා මුදල් උපයා ගැනීමේ අරමුණින් බව වාර්තා වන අතර විදේශ රටවල දැනට ජීවත්වන ශ්‍රී ලාංකිකයන් විශාල පිරිසක් මෙරට ජීවත්වන සිය සමීප ඥාතීන් ඒ රටවලට ගෙන්වාගැනීමට ඇති පෙළඹීම ද වැඩිවී ඇති බවත් බොහෝ පිරිසක් එවැනි අනුග්‍රහ අපේක්ෂාවෙන් සිටින බවත් වාර්තා වනවා.
